Réttur - 01.10.1929, Blaðsíða 117
Rjettur]
GASTONIA-MÁLIÐ
325
fjelaganna í Charlotte, mest af reiði yfir að þeim ekki
tókst að ná þar hinum ákærðu og drepa þá á götu áti.
— 14. sept. hjeldu verkamenn fund í Gastonia og eftir
áskorun borgarablaðanna var á þá ráðist og lauk þeirri
viðureign með því, að hvítliðarnir drápu eina fátæka
verkakonu, Ella Wiggins, 4 barna móður, en særðu all-
marga verkamenn. Þegar lögreglan svo að lokum
skarst í leikinn, tók hún 8 verklýðsforingja fasta, en
Ijet morðingjana sleppa!
Slíkt er nú ástandið í Suðurríkjunum, sem fyrir 70
árum voru losuð við smán þrælahaldsins í blóðugri
borgarastyrjöld. Hvoi't mun ekki tími til kominn að
frelsa þau á ný úr þrælahaldi auðfjelaga og harðstjóra,
með miskunnarlausari og róttækari stjettastyrjöld en
þá var háð, — með frelsisstyrjöld verkalýðsins?
Síðan grein þessi var skrifuð, hefir dómur fallið í
Gastonia-málinu. Vegna hinna mikilvægu mótmæla,
sem verkalýður alls heimsins beindi til amerísku rjett-
vísinnar og þeirrar takmarkalausu fyrirlitningar, sem
hlaut að koma fram í þeim, hefir auðvaldið eigi sjeð
sjer fært að halda fast við kröfu sína og misbjóða
þannig rjettarmeðvitund fjöldans, að hinir ákærðu
verkfallsmenn yrðu myrtir í rafmagnsstólnum. Hin
samhljóða krafa verkalýðsins hefir því bjargað þeim
•frá dauða.
Dómurinn er fallinn. 7 verkfallsmenn eru dæmdir í
7—15 ára fangelsi fyrir morð. Rjettlæti amerísku.
rjéttvísinnar er eigi meir en búist var við. Saklausir
verkamenn eru dæmdir til hegningar á sama tíma, sem
illverkahópur auðvaldsins heldur áfram hryðjuverkum
sínum óátalið.
Verkamennirnir sjö eru dæmdir. Dómurinn kemur
niður á þjóðfjelagsfyrirkomulaginu ameríska og’ rjett-
arfari þess. Verklýðshreyfingin út um heim stendur
sameinuð, með hinum dæmdu fjelögum og mótmælir
stjettadóminum.