Réttur - 01.01.1974, Qupperneq 68

samninga væri að sérstaklega hefði verið
hugsað fyrir kjarabótum handa láglaunafólki.
Eðvarð tók þó fram að hann hefði viljað að
í samningunum hefði verið gengið enn lengra
til móts við láglaunafólkið, en þar hefði ýmis-
legt staðið í veginum.
Auk kjarasamninganna gerði verkalýðs-
hreyfingin samninga við ríkisstjórnina um
breytingar í húsnæðismálum og skattamálum.
Húsnæðismálin: Ríkisstjórnin féllst á að
hafa forgöngu um að tryggja tvöföldun til
þreföldun íbúðabygginga á félagslegum
grundvelli með þeim kjörum sem best tíðkast
hér. Er þá átt við íbúðir í verkamannabústöð-
um, sem byggðar eru samkvæmt sérstökum
kjörum og ætlaðar láglaunafólki, og enn-
fremur er átt við íbúðir með svipuðum kjör-
um og gilt hafa í Breiðholti hjá Fram-
kvæmdanefnd byggingaráætlunar. Gert er
ráð fyrir að tryggja hálfan annan miljarð
króna umfram það sem rennur í almenna
húsnæðislánakerfið en það þýðir meira en
tvöföldun á félagslegu fjármagni til íbúða-
bygginga. Þetta verður m.a. gert með því að
verkalýðsfélögin heimila að 20% af ráðstöf-
unarfé lífeyrissjóða verkalýðsfélaganna renni
til þessara framkvæmda í formi verðtryggðra
skuldabréfa, en einnig er um að ræða hækk-
un launaskatts á atvinnurekendur.
Um skattamálin:
Ákveðið er að lækka tekjuskatt um það
bil helming, en hækka söluskatt á móti
um 5 stig, sem þýðir rúmlega 4% hækkun
á söluskattsskyldum vörum. Ekki verður
sagt með fullri nákvæmni hvað þessi til-
færsla þýðir gagnvart ríkissjóði, en ljóst er
að á þessu ári mun tekjuskattslækkunin nema
hærri upphæð en söluskattshækkunin, og
fari svo að á árinu 1975 verði söluskatts-
hækkunin hærri, þá verður sá mismunur
bættur í formi vísitöluuppbóta á laun, eða
á annan hátt.
Með þessari breytingu er komið til móts
við almennar óskir þess mikla fjölda fólks,
sem hefur það sem kalla má miðlungstekjur.
Væru hins vegar ekki gerðar neinar sérstak-
ar ráðstafanir jafnframt í því skyni að
tryggja hlut þeirra sem lægst hafa launin
og engan tekjuskatt borga, þá væri slík til-
færsla óréttlát. Þess vegna er jafnframt á-
kveðið, að öllum þeim, sem engan eða mjög
lítinn tekjuskatt greiða samkvæmt fyrra kerfi
verði greiddar sérstakar bætur til að mæta
söluskattshækkuninni.
Dæmin hér á eftir sýna, hversu mikið
tekjuskatturinn lækkar hjá hinum ýmsu fjöl-
skyldum. I öllum tilvikum var miðað við að
frádráttur, annar en persónufrádráttur væri
kr. 100 þús. en sú tala er auðvitað mjög
breytileg í raun. Þessi dæmi líta svona út:
Hjá hjónum með 2 börn, sem hafa 800
þúsund í brúttótekjur síðasta ár lækkar tekju-
skatturinn úr kr. 101 þús. í kr. 38 þús. eða
um 63%.
Hjá hjónum með 3 börn, sem höfðu eina
milj. í brúttótekjuh lækkar tekjuskatmrinn úr
kr. 168.500 — í kr. 90.400, — eða um
46%.
Hjá barnlausum hjónum, sem hafa kr.
900.000 í brúttótekjur lækkar tekjuskatt-
urinn úr kr. 186.200,— í kr. 120 þús., eða
um 35.%.
Og hjá hjónum með kr. 700 þús brúttó-
tekjur á síðasta ári og 4 börn lækkar tekju-
skatturinn úr tæplega 20 þús. kr. í ekki neitt,
eða um 100%.
Svo geta menn velt fyrir sér, hvernig sölu-
skattshækkunin komi við þá á móti, sem auð-
vitað er ærið misjafnt. En fjölskylda, sem t.d.
eyðir 600.000,— krónum á ári, þ.e. kr. 50
þús. á mánuði í greiðslu á söluskattsskyldum
vörum, þarf væntanlega að greiða nálægt
26.000,— krónum í söluskattshækkun yfir
heilt ár.
68