Náttúrufræðingurinn - 1944, Side 44

146
N ÁTTÚRUFRÆÐIN GURINN
12. Um sama leyti sást vaða af túnfiski (40—50 fiskar) inni í Suðtir-
fjörðum (Arnarfirði).
13. í júlí eða ágúst 1931 flæktist einn í síldarnet á skipalaginu við
Vestmannaeyjar.
14. í ágúst 1932 fundust fjórir túnfiskar, meira eða minna skemrnd-
ir nema einn, á Einholtsfjöru í Suðursveit.
15. Sama ár, um haustið, rak einn á Kvískerjafjöru.
16. Enn rak einn nálægt Dyrhólaey í des. 1933.
17. Þá sendi Kristján Albert Kristjánsson, útgerðarmaður á Súg-
andafirði mér hauskúpu af stórum túnfisk, með bréfi, sem dag-
sett var 10. apríl 1943. Hauskúpan hafði komið upp á lóð út af
Vestfjörðum.
Loks kom túnfiskurinn mjög við sögu, hér við land, síðastliðið sum-
ar (1944).
18. í bréfi, sem Ari Hálfdanarson skrifar Náttúrufræðingnum, frá
Vestmannaeyjum, ogdags. er 12. nóv„ segist hann hafaséð hausaf
túnfiski á brýggju í Vestmannaeyjum oghafi sá verið 50—60 cm. á
lengd. Kvaðst liann hafa Jrekkt fiskinn undireins, Jrar sem hann
hafði séð hann á Hornafirði, er reki varð á Einholtsfjöru 1932.*
19. Að lokum verður nánar greint frá túnfisksvöðunum, sem komu
í ísafjarðardjúp síðastliðið sumar, eftir heimildum frá Rögnvaldi
Jónssyni, skipstjóra og Ólafi Guðmundssyni, framkvæmdastjóra.
Þeir eru báðir búsettir á Isafirði.
Enda þótt bátar frá ísafirði byrjuðu reknetaveiðar þegar í byrjun
ágúst, urðu Jreir ekki varir við túnfisk fyrr en um eða eftir miðjan
mánuðinn, enda hafði verið veitt úti á hafi eða í Djúpmynninu
þangað til, en úr því á svæðinu frá Sandeyri á Snæfjallaströnd og
Jraðan inn fyrir Æðey. Þar urðu Jreir strax varir við túnfiska á sveinti
kringum bátana, einkum þegar þeir voru að draga netin. Fiskurinn
virtist sækja í síldina í netunum og át jafnóðum það, sem úr Jreinr
losnaði, rétt við skipshliðina. Iðulega sáust þeir skjótast að og frá
netunum eða renna í gegnum þau, oft fast við bátinn, rétt undir sjó-
skorpunni.
Þriðjudaginn 29. ágúst veiddist fyrsti túnfiskurinn. Vó hann um
300 kg., svo að víst er, að hann hefur verið fullþroska. Lengd hans
var 270 crn. Næsta dag, miðvikudaginn 30. ágúst, veiddust fjórir, er
vógu 915 kg. samanlagt, og liefur Jrar einnig verið um fullorðinn
* í síðara bréíi telur A. H. vafasamt að fiskurinn hafi veiðst sumarið 1944.