Andvari - 01.01.1928, Side 66

64
Flugferðir
Andvari
sjálfsagf, hvort tveggja, eftir að taka miklum stakkaskipt-
um og fullkomnast, en engum vafa er það undirorpið,
að annaðhvort eru loptförin eða flugvélarnar framtíðar-
lausnin á samgöngumálum þjóðanna.
Fáar þjóðir eiga við lélegri samgöngur að búa en vér
íslendingar. Margar orsakir mætti nefna til þess, svo
sem örðuga landsháttu, fámenni og féleysi, erlenda kúgun
o. m. fl., sem ekki skal rakið hér. Það væri því ekki að
undra, þó að oss Islendingum, öðrum fremur, væru
allar framfarir í samgöngum áhugamál, en það er ekki
að sjá, að þingi og þjóð hafi hingað til skilizt, hve brýn
nauðsyn landinu er að bættum samgöngum, né heldur
hagnaðurinn af þeim. Skilningurinn á þessu virðist þó
heldur vera að glæðast, því að á síðustu árum hefir
verið varið meira fé til brúa- og vegagerða en áður.
Það á ekki heima hér að dæma um það, hvernig þessi
vegagerð er leyst af höndum, en þó má það undrum
sæta, að enn skuli vera gerðir tæplega akfærir vegir
bifreiðum og það í nánd við Reykjavík (Kjalarnes-
vegurinn).
Þegar vér sjáum nágrannaþjóðir vorar, sem þó hafa
margfalt befri samgöngur en vér, hverja af annari trúa
á og hagnýta sér flugsamgöngur, hlýtur oss ósjálfrátt að
koma til hugar, að þessar framfarir geti einnig komið
oss að notum. Þeir, sem ekki eru allt of þröngsýnir, sjá
þessa leið og meira en það; þeir sjá, að þess muni
ekki langt að bíða, að flugferðir á íslandi verði meira
en orðin tóm. Vér höfum hingað til verið og erum enn
langt á eftir tímanum í samgöngumálum, en ef vér för-
um skynsamlega að ráði, getum vér á tiltölulega skömm-
um tíma komið þeim í eins gott horf og í nágranna-