Andvari - 01.01.1917, Qupperneq 48

40
Alþýðutryggingar.
[Andvari,
einnig til ógiftra kvenna, ef barnsfaðirinn hefur verið
í stríðinu. Tilskipanir þessar miðast við stríðið og
því aðeins til bráðabirgða. En ekki er ólíklegt, að
þær verði síðar lögfestar og verði þannig byrjun al-
mennrar barnsfarartryggingar.
Að dæmi Þýskalands hafa ýms lönd komið á hjá
sjer skyldutryggingum fyrir verkafólk. Einkum er
alþýðutryggingum mjög líkt fyrirkomið í Austurriki
og Ungverjalandi. Víðast hvar annarsstaðar hafa þó
sjúkratryggingar til skamms tíma verið sjálfviljugar.
En fyrir nokkrum árum (1909) hefur verið lögleidd
tryggingarskylda gegn veikindum í Noregi og loks
alveg nýlega á Englandi. Það var Lloyd George, sem
nú er forsætisráðlierra og kunnur er fyrir skattalög
sín og síðar fyrir hamfarir sínar sem hergagnaráð-
herra, sem tókst að fá samþyktan stórmerkilegan
lagabálk um alþýðulryggingar, sem nefnist National
Insurance Act, er varð að lögum 16. des. 1911, og
nær hann til öryrkja- og atvinnuleysistryggingar auk
sjúkratryggingar, sem er þó aðalatriðið. Með lögum
þessum er skyldutrygging upp tekin á Englandi. Er
það einn af hinum óvæntu atburðum í löggjöfinni
bresku á síðustu árum, þar sem sjálfviljugar trygg-
ingar höfðu náð þar svo mikilli útbreiðslu og voru
orðnar svo vinsælar af alþýðu manna, og Englend-
ingar hafa löngum fengið orð fyrir, að þeir mætu
meira frelsi einstaklinganna heldur en aðrar þjóðir
og væru frábitnari öllum þvingunarlögum. Einnig
eru þeir venjulega taldir íhaldssamari en aðrar þjóðir
og ófúsari til stórra byltinga í löggjöfinni. Lloyd Ge-
orge hefur þó hvað eftir annað sýnt það, að koma
má þar fram stórfeldum nýmælum á skömmum tíma.
En það fer lika orð af þvi, að hann sje alveg óvenju-