Eimreiðin - 01.10.1939, Page 26

370
DRAUMARNIR RÆTAST
eimheiðin
Leiðin var ekki löng þangað út eftir, og upp höfðann la
brattur troðningur. Valur gekk léttilega upp. Er þangað koni,
svipaðist hann fyrst um og kastaði mæðinni, en stefndi síðan
á ákveðinn stað utiu’lega í höfðanum. Þar tóku við klettar, en
inni á milli þeirra sá á loðnar grastór. Hann fetaði sig niður
klettaskoru og var von bráðar kominn niður á eina grastóna.
Uppi yfir gnæfði hár klettur, er slútti fram yfir sig, og a
tvær hendur skýldu klettar, en framundan blasti fjörður-
inn við.
Þetta var helgidómur Vals.
Hann settist og hagræddi sér og hugsaði um leið, að ef til
vill yrði þetta í síðasta skifti um margra ára skeið, sem hann
kæmi þangað.
Nú voru draumar hans að rætast. Nú loks hafði hann safnað
nægum peningum til að geta siglt og stundað áhugamál sitt,
málaralistina.
Og einmitt þessi staður hafði altaf haft dýpst áhrif á hann.
Útsýnið þar hafði altaf gefið honum nýjan þrótt, nýjar hug-
myndir og þrek til að halda fast við áform sitt, að fullkonin-
ast í listinni. Hann rendi augunum til hafs. í fjarska, út við
fjarðarmynnið, sást hið tignarlega Sæfell. Og honum fanst
það jafnvel fegurra nú en nokkru sinni fyr.
Hann hafði svo oft málað það, í bjartri, hlýrri fegurð og
þunglamalegri óveðursumgjörð, en hann varð aldrei ánægðui
með verk sitt.
Myndin af því ásótti hann, en hann gat aldrei fest það a
léreftið eins og hugsýnin birtist honum. En nú, nú ætlaði
hann að skapa ógleymanlegt listaverk, og af þessu fjalli fyrsl
og fremst, sem eins og ímynd staðfestunnar hafði gefið hon-
um þrek til að vera listinni trúr.
Hann Iygndi aftur augunum og hallaði sér aftur á bak, til
að láta geisla sólarinnar baða andlitið alt. Árin, sem hann
hafði barist, stundirnar og augnablikin, sem honum hafði
leiðst við vinnuna í kaldranalegu og óblíðu veðri, fengu nu
á sig fagran blæ endurminninganna. Hann hugsaði hlýtt til
margra stunda við vinnuna og skemtilegra atvika. Hann
hafði verið trúr ásetningi sínum. Hann hafði barist og sigraö>
og nú loksins áttu draumar hans að rætast.