Árbók Háskóla Íslands - 01.01.1985, Blaðsíða 17
Ræður rektors Háskóla íslands
15
hafið valið námsgrein við ykkar hæfi og
fáið starf á því sviði. Ég leyfi mér að setja
fram þá tilgátu, að þeir lifi betur og lengur
að jafnaði sem hafa ánægju af því sem þeir
eru að gera.
Menntun auðveldar aðlögun að nýjum
störfum, og þekkingin ryður braut til sköp-
unar nýrra atvinnutækifæra og breyttra
starfshátta. Auknartómstundir verða eftir-
sótt gæði, sem nýtast til lestrar og þekking-
arleitar, en valda ekki hugarangri og sjálfs-
eyðingu.
Námið hefur kostað ykkur og fjölskyldur
ykkar vinnu og fórnir. Ég óska ykkur öllum
til hamingju með árangurinn og bið ykkur
Guðs blessunar.
Kveðjuávarp við rektoraskipti 15. september 1985
Háttvirtur menntamálaráðherra, kœru
starfsfélagar, góðir gestir!
Við erum hér saman komin í hátíðasaln-
um á áramótum eftir tímatali háskólans:
Nýtt háskólaár fer nú í hönd.
Ekki hafa mótast fastir siðir um það,
með hverjum hætti rektoraskipti skuli fara
fram, en orðið hefur að ráði að efna til
þeirrar athafnar sem hér verður haldin í
dag. Býð ég ykkur öll hjartanlega velkomin
til hennar.
Þegar ég lýk máli mínu mun ég afhenda
eftirmanni mínum, dr. Sigmundi Guð-
bjarnasyni prófessor, tákn rektorsemb-
ættisins. Þá mun hinn nýi rektor ræða um
stefnumið og viðfangsefni næstu ára.
Um leið og rektorskeðjan er flutt á form-
legan hátt af einum hálsi á annan, er eðli-
legt að við gerum okkur sem skýrasta grein
fyrir stöðu stofnunarinnar. í því sambandi
tel ég þó meira um vert að líta gjörhugulu
auga fram á veginn en að horfa yfir sögu
liðins tíma. Ég ætla mér því ekki að gerast
margorður um liðna tíð yfirleitt eða það
sem gerst hefur á rektorstíð minni undan-
farin sex ár.
Ég stytti mér leið í ræðunni með því að
vísa ykkur fyrst og fremst á skýrslu, sem ég
flutti háskólaráði í upphafi þessa árs, alm-
anaksársins 1985, og birt er í Fréttabréfi
Háskólans. Einnig vísa ég til ræðna minna
á háskólahátíðum, sem birtar eru í Árbók-
um Háskólans.
Verk mín sem rektors verða úr þessu að
tala sínu máli. En þótt ég ætli mér stutt mál
en ekki langt við þetta tækifæri, kemst ég
ekki hjá því að minnast á örfá atriði, sem ég
tel skipta miklu máli fyrir háskólann.
1. Nemendum hefur fjölgað um 50%,
eða um rösklega 1500 manns, frá 1979.
Vöxturinn er meiri á þessum sex árum en á
sextíu árum áður. Það var ekki fyrr en á há-
skólaárinu 1970/71 sem heildarfjöldi nem-
enda fór yfir 1500. Þrátt fyrir þröngan fjár-
hag og margvíslega aðra erfiðleika hefur
háskólanum tekist að taka við þessum
nemendum án þess að komið hafi til upp-
lausnar né alvarlegrar sundrungar. Þetta
hefði ekki lánast án þolgæðis og þraut-
seigju nemenda, kennara og starfsmanna.
En háskólinn hefur ekki aðeins tekið við
fleiri nemendum. Hann hefur líka fært út
kvíarnar á ýmsa vegu.
2. Rannsóknir í sjálfstæðum vísindum
hafa eflst og einnig þjónusturannsóknir.
Samstarf við atvinnulífið í landinu á sviði
rannsókna og þróunar atvinnuverkefna
hefur orðið miklu meira en áður var. Um
leið hefur fyrirtækjum háskólans fjölgað og
þau eflst og sjóðir hans vaxið að raunveru-
legum verðmætum.
3. Samningar hafa verið gerðir við er-
lenda háskóla, og fela þeir í sér aukin tæki-
færi nemendum til handa, en taka einnig til
kennaraskipta og sameiginlegra rannsókn-
arverkefna. Þetta er að sjálfsögðu ein af