Hlín - 01.01.1954, Side 67
Hlin
65
ið áfram þar til aðbúnaður og starfsskilyrði eru orðin svo
góð sem kostur er á.
Þegar skólinn fluttist að Blönduósi, var honum ætlað
allstórt land til ræktunar, og var tilraunastöð sýslunnar
valinn staður við Kvennaskólann. — Ekki reyndist auð-
velt að rækta annað en túngrös á skólalóðinni. — Var því
tilraunastöðin lögð niður, en skólinn kom sjer upp all-
stórum túnum. — Nú hafa menn aftur í hyggju að koma
upp trjágarði sunnan við skólahtisið, og á hann að bera
nafn Elínar Briem og kallast „Elínargarður", en Elín
Briem gerði fyrst garðinn frægan.
Eftir að skólinn var gerður að húsmæðraskóla tók hann
upp þann hátt að bjóða konum úr bygðarlaginu til dval-
ar í nokkra daga. — Fylgdust konurnar með kenslu og
daglegum háttum, og kvöldvökur voru til skemtunar að
dagsverki loknu. — Dvöldu konurnar 4—5 daga í skólan-
um og nutu hvíldar og hressingar.
í reglugerðinni frá 1927 er það tekið fram, að skólinn
eigi að halda í heiðri öllum þjóðlegum verðmætum —
vinnubrögðum, mataræði, háttum og siðum. — Hvernig
það hefur tekist skal ósagt látið, en ekki væri vanþörf á
að leggja rækt við þær skyldur í öllum skólurn landsins. —
Kvennaskólinn á Blönduósi vill ekki láta sitt eftir liggja í
þeirn efnum, og hefur í hyggju að taka á námsskrá sína
tóvinnukenslu og aðra íslenska handavinnu. — Skólinn
hefur einnig hug á að koma sjer upp safni af gömlum, ís-
lenskum munum, áhöldum og handavinnu, karla og
kvenna. — Er ungu fólki holt að kynnast því, við hvaða
skilyrði forfeður þeirra bjuggu, slitnar þá síður sá lífs-
þráður, sem tengir nútíð og fortíð. — Ættu slík söfn að
vera við hvern skóla.
5