Hlín - 01.01.1954, Qupperneq 75

Hlín
73
heimilum reynst betra og blessunarríkara en einmitt það
að hafa gamla fólkið með því uppvaxandi. — Gamla fólk-
ið með sína lífsreynslu, þekkingu og góðvild. — Sambúðin
við gamla fólkið hefur verið ómetanlegt veganesti þeim
ungu, og væru börnin á heimilunum spurð, greiddu þau
áreiðanlega gamla fólkinu atkvæði sitt.
Er ekki hugsanlegt, að lausungin og losið á heimilun-
um, sem nú er kvartað svo rnikið um, eigi einmitt rót
sína að rekja til þess, að það er ekkert að halda sjer að
heima, ekkert að flýja til fyrir unglingana: Gamla fólkið
komið á elliheimili, ungu börnin á barnaheimili og hús-
móðirin að vinna sjer inn peninga utan heimilis — og
eldri börnin oft á glapstigum, því miður. — Þetta er öfug-
stefna í sinni átakanlegustu mynd. — Jeg Iield við ættuin
að snúa við blaðinu, áður en það verður of seint, og at-
luiga hvað okkur Islendingum hentar í þessu efni, halda
okkar strik, hvað sem útlendum áróðri líður.
Og svo á hinn bóginn: — Langar gamla fólkið til að
ala aldur sinn á elliheimili? — Nei, gamla fólkið kvíðir
því mest af öllu að yfirgefa heimili sín, og þurfa að fara
á elliheimili, þar sem það hefur ekkert að gera, því vitan-
lega geta ekki margmenn heimili lagt öllum til vinnu-
pláss, en allar mannlegar verur þrá starf, meðan Hfsæð er
í þeim heit. — Garnla fólkið vill geta fylgst með daglegu
störfunum og hjálpa til meðan heilsa leyfir, langar til að
stunda eða dunda við sín gömlu störf. — Og það vill vera
með börnum og ungum, glöðum manneskjum, en ekki
bara hrumu, gömlu og leiðinlegu fólki.
Til eru einstaklingar, karlar og konur, eða gömul hjón,
sem eiga sjer lítið heimili, sem þeim þykir vænt um, og
vilja ekki yfirgefa fyr en í fulla hnefana. — Þau geta líka
vel komist af með aðstoð ellilaunanna og nokkurri hjálp
(verklegri). — Þau vilja geta átt rólega og góða daga, og
sýslað við sitt, og þetta gætu þau, ef þau fengju dálitla
hjálp við og við: Ræstingu, þvott, sendiferðir o. s. frv.