Valsblaðið - 01.05.2009, Blaðsíða 11

Viðurkenningar
Það er árviss viðburður hjá Val að útnefna
íþróttamann ársins í hófi að Hlíðarenda á
gamlársdag. Iþróttamaður Vals er valinn
af formönnum deilda, formanni félags-
ins og Halldóri Einarssyni (Henson) sem
er gefandi verðlaunagripanna. Árið 2008
var valinn í 17. sinn íþróttamaður Vals.
Þessi athöfn fór fram í veislusal Vals að
Hlíðarenda að viðstöddu fjölmenni.
Grímur Sæmundsen formaður Vals hélt
ávarp við þetta tækifæri og sagði m.a.:
„Ágætu Valsmenn, góðir gestir. Það ætti
ekki að koma neinum á óvart að íþrótta-
maður Vals kemur enn og aftur úr okk-
ar frábæra kvennaliði í knattspymu sem
varð íslandsmeistari í 4. sinn á fimm
árum nú í haust. Katrín byrjaði að æfa
knattspyrnu 8 ára gömul en hún bjó þá
í Noregi. Er hún fluttist til íslands æfði
hún með Breiðablik en leiðin lá aftur til
Noregs þar sem hún spilaði m.a. með
úrvalsdeildarliðinu Kolbotn ásamt því
að stunda læknisnám. Hún varð tvíveg-
is Noregsmeistari með Kolbotn á þessum
tíma árin 2002 og 2003.
Katrín hóf að spila með Val árið 2004
en þá spilaði hún 6 leiki, en þá landaði
Elísabet og hennar lið fyrsta íslands-
meistaratitlinum. Hún spilaði ekki með
liðinu árið 2005 vegna læknakandidats-
náms í Noregi. Frá árinu 2006 hefur
Katrín leikið með Val og gegnt lykilhlut-
verki í besta kvennaliði íslands í knatt-
spyrnu. Hún hefur verið fyrirliði liðsins
sem hefur orðið íslandsmeistari undan-
farin 3 ár auk þess að vinna tvöfalt árið
2006. Þá hefur Katrín einnig gegnt lyk-
ilhlutverki sem miðvörður og fyrir-
liði íslenska kvennalandsliðsins í knatt-
spyrnu undanfarin 2 ár en liðið vann það
frábæra afrek að komast í úrslit Evrópu-
keppninnar sem fram fara í Finnlandi
í ágúst nk. Katrín hefur spilað 78 leiki
með íslenska kvennalandsliðinu í knatt-
spyrnu og hefur skorað 12 mörk í þess-
um leikjum. Við óskum Katrínu innilega
til hamingju með kjörið. Katrín er í hópi
þeirra tíu afreksmanna og -kvenna sem
tilnefnd eru vegna kjörs íþróttamanns
ársins nú í ár, en í þeim hópi eigum við
Valsmenn nú fjóra fulltrúa, sem enn og
aftur er einstakt á þeim vettvangi."
íþnóttamaður Vals - síðustu árin
2009
???
2008
Katrín Jónsdóttir, knattspyrna
2007
Margrét Lára Viöarsdóttir, knattspyrna
2006
Margrét Lára Viðarsdóttir, knattspyrna
2005
Bjarni Ólafur Eiríksson, knattspyrna
2004
Berglind íris Hansdóttir, handknattleikur
2003
íris Andrésdóttir, knattspyrna
2002
Sigurbjörn Hreiöarsson, knattspyrna
2001
Rósa Júlía Steinþórsdóttir, knattspyrna
2000
Kristinn Lárusson, knattspyrna
1999
Ásgerður Hildur Ingibergsdóttir, knattspyrna
1998
Guðmundur Hrafnkelsson, handknattleikur
1997
Ragnar Þór Jónsson, körfuknattleikur
1996
Jón Kristjánsson, handknattleikur
Ualsblaðið 2009
11