Valsblaðið - 01.05.2009, Side 57

Sveitarstjórar íyngri deild KFUM áriö 1911. Margir íþessum hópi tóku þátt í að
stojha Val sama ár. Guðbjörn Guðmundsson er 3.f.v. í efri röð en Loftur Guðmundsson
er 2fh. í neðri röð og sr. Friðrikfyrir miðju.
Loftur Guðmundsson, konunglegur hirð-
Ijósmyndari og fyrsti formaður Vals.
ir séra Friðrik „sem væri svo mikið fyrir
félagið11. Stakk Loftur upp á því að Frið-
riki yrði gefinn nýr hattur. Var þá efnt
til samskota og næsta dag keyptur harð-
ur hattur fyrir 2,85 kr. í Thomsens Mag-
asín. Síðan fóru þeir Guðbjöm og Loftur
og afhentu Friðriki hattinn við hátíðlega
athöfn. Að sögn Guðbjöms var þetta
„fyrsta heiðursgjöf félagsins".4
Andsvar við þakkarskuld
Eins og sjá má virðist frásögn Guðbjöms
gera ráð fyrir því að hattinn góða hafi séra
Friðrik fengið fyrir dyggan stuðning við
starf félagsins í upphafi á meðan Friðrik
segist hafa fengið hið nýja höfuðfat áður
en hann hafði svo mikið sem séð pilt-
ana æfa. Hér er augljóslega nokkur mun-
ur á enda er frásögnin ágætt dæmi um það
hversu erfitt er að treysta smáatriðum í
endurminningum manna sem rifja upp
löngu liðna atburði. Þótt báðir lýsi sama
atburði greinir Friðrik og Guðbjöm á um
sjálft tilefnið, hve margir vom viðstadd-
ir afhendingu hattarins og hvenær hún fór
fram! En eitt eiga báðar frásagnimar sam-
eiginlegt sem ekki er lítils virði að rifja
upp. Hatturinn var andsvar við þakkar-
skuld -þakkarskuld við séra Friðrik sem
með stuðningi sínum í upphafi gaf hinum
upprennandi Valsmönnum vængi.
Við þetta má svo bæta í lokin að flest
hnígur að því að það hafi verið í kringum
miðjan júní 1911 sem séra Friðrik heim-
sótti piltana í fyrsta sinn út á Mela til að
fylgjast með knattleikni þeirra. Um það
kvöld þyrfti sérstakan pistil enda mark-
aði sá viðburður tímamót, bæði í lífi séra
Friðriks og fótboltafélagsins unga.
Tilvísanir
1 Sr. Friðrik kom til Reykjavíkur með Austra
að morgni 8. júní 1911.
2 Starfsárin II, 101. Sr. Friðrik kveðst hafa
hugleitt Fil. 2:1-11 með piltunum, ívitnuð
vers eru nr. 1-3 í þeim kafla.
3 FFtStarfsárin II, 101.
4 Guðbjöm Guðmundsson 1936, 14.
Haukur Gíslason
Fæddur 14. mars 1925
Dáinn 23. september 2009
Haukur var algjör draumaþjálfari, ávallt
hress og skemmtilegur og óendanlega
áhugasamur um að hans drengjum liði vel
og næðu árangri. Haukur starfaði lengi
hjá Valsfyrirtækinu Hörpu og var gjarn-
an á pallbíl sem ósjaldan var notaður til
að ferja leikmenn til æfinga og leikja.
Þrátt fyrir gott lundarfar var Haukur engin
gunga og gat tjáð sig svo ekkert fór milli
mála. Fyrir uppeldi í hóp þarf góða leið-
beinendur, vart er hægt að hugsa sér betri
menn en Hauk til slíkra verka. Þeir full-
orðnu menn sem nú horfa til baka finna
fyrir þeim góðu áhrifum sem þjálfun und-
ir stjórn Hauk skiluðu þeim og ekki aðeins
hvað varðar knattspyrnuna sjálfa heldur
ekki síður í hinu daglega lífi. Valur stend-
ur í þakkarskuld við Hauk fyrir hans óeig-
ingjama starf.Valsmenn sakna þess að hafa
séð minna af Hauki hin síðari ár. Fjöl-
skyldu Hauks em sendar innilegar samúð-
arkveðjur, góður drengur hefur hvatt.
Halldór Einarsson, jidltrúaráði Vals.
Svanhildur
Guðnadóttir
Fædd 3. janúar 1924
Dáin 12. september 2009
Svanhildur stóð þétt við hliðina á eig-
inmanni sínum Þórði Þorkelssyni heið-
ursfélaga Vals í hans miklu störfum fyr-
ir félagið til langs tíma. Það getur enginn
unnið félagsstörf af krafti og samvisku-
semi nema hafa til þess stuðning síns bak-
lands. Svanhildur var bakland Þórðar
og studdi hann til allra góðra verka, allt-
af jákvæð og lagði gjarnan hönd á plóg-
inn þegar þurfti. Svanhildur var áhuga-
samur félagi í Valskonum og hennar er
minnst af ótal Valsmönnum sem kunnu
að meta hennar léttu lund og hugarfar.
Þeirra hjóna er saknað og við emm minnt
á hversu mikilvægt er að viðhalda og helst
efla vemlega hið skipulega félagsstarf inn-
an félagsins. Félagið sendir fjölskyldunni
sínar innilegustu samúðarkveðju.
Halldór Einarsson, fidltrúaráði Vals.
Valsblaðið 2009
57