Morgunn - 01.06.1962, Blaðsíða 46
42
MORGUNN
Fornaldarmennirnir voru á undan oss nútímamönnum
að því, er til spíritisma kemur. Stofnendur heimstrúar-
bragðanna miklu kunnu á því betri tök en vér nútíma-
menn, að sækja til fanga í forðabúr alheimsins, og þeir
gerðu stærri uppgötvanir á því sviði en vér gjörum í
dag.
Zoroaster, sem sumir telja fæddan um 6 þús. árum fyrir
Krist, og aðrir aðeins 6 hundruð árum, og ýmsir allt þar
á milli, hafði slíkt vald yfir sálrænum öflum, að hann
varð fremstur allra töframanna Kaldeanna. Svo mikil og
langlíf urðu áhrif hans, að það voru lærisveinar hans,
sem fylgdu stjörnunni til Betlehem. Zoroaster sagði fyrir
fæðingu Krists, komu mannkynslausnarans, á einni af
samfélagsstundum sínum með alheimsskaparanum, sem
hann nefndi Ahura Mazda.
í skyggnisýn sá þessi mikli persneski sjáandi barátt-
una milli Ahura Mazda (Guðs) og Angra Mainya (Sat-
ans). Og í vitrun greindi hann hina sex Amesha Spenta,
erkienglana, sem einnig voru hugmyndir, sem gátu hjálp-
að manninum til að sigrast á hinu illa og ná einingu við
Guð, og hann kallaði þessar hugmyndir, eða þessa erki-
engla: Góðan hug, góða reglu, algert vald, algera hollustu,
fullkomnun og ódauðleika.
Hann lýsti þessum erkienglum sem skínandi verum
með ljómandi, lýsandi augum. Hann sá þá í heimkynn-
um sínum og fylgdi þeim á för þeirra, er þeir fóru til
að vinna köllunarverk sitt á hinum sjö tilverusviðum,
sem mynda alheiminn. Þeir veittu honum innsýn í hið
stórkostlega „drama“ tilverunnar, allt frá frumkorninu,
atóminu, og til hinnar endanlegu upprisu dauðra, þeg-
ar jörðin átti ,að kenningu hans, að vera ódauðleg um
alla eilífð. Þannig varð upphaf Zoroaster-trúar. Hún
spratt upp af sálrænni reynslu. Hundruð þúsunda læri-
sveina hans, sem nefnast Parsar, eru sannfærðir um, að
Zoroaster hafi talað við Guð.