Morgunn - 01.06.1963, Side 18

Spíritisminn í dag
★
Ilvernig stendur spíritisminn á íslandi í dag? Af tveim
ástæðum ætla ég að ræða nokkuð um það, bæði vegna
þess, að svo hefir skipazt, að við formannsstöðu í félag-
inu hefi ég tekið aftur, og eins vegna þess, að í ríkara
mæli en orðið hefir um langt árabil, hafa málefni félags-
ins verið rædd á opinberum vettvangi, í útvarpi og blöðum,
og þessvegna verið mikið um málið rætt manna á meðal.
Sannfæringin um, að menn lifi eftir líkamsdauðann og
að framliðnir menn hafi sjálfir fært á það sönnur, er iafn-
gömul kristindóminum. En spíritisminn sem sannfæring
um, að með réttri notkun miðla sé unnt að ná sambandi
við látna menn, má segja að sé miklu yngri. Sú hreyfing
hafði áunnið sér mikinn fjölda áhangenda, bæði vestan
hafs og austan, er hún barst hingað fyrir nálega 60 árum.
Þrátt fyrir andstöðu, sem raunar var eðlileg, vakti þessi
nýstárlega hreyfing athygli margra og vann fljótlega fylgi
margra manna víðsvegar um landið. Einkum eftir að for-
vígismönnum hreyfingarinnar barst upp í hendur slíkur
afburða miðill, sem Indriði Indriðason var tvímælalaust,
vaknaði undrun margra, og menn bundu miklar vonir við
hreyfinguna. Og það er einnig ofur skiljanlegt, að margir
bundu við þetta nýstárlega mál meiri vonir en gátu rætzt.
Eftir liðin 60 ár er auðveldara að sjá þetta en unnt var í
byrjun.
Sálarrannsóknafélag Islands hefir nú starfað í 44 ár,
og eðlilega hefir á ýmsu gengið um starf þess á svo löng-
um ferli. Til eru þeir, og sennilega ekki allfáir, sem segja: