Morgunn - 01.06.1963, Qupperneq 25

MORGUNN
19
sem vilja gæta sóma síns og samstarfsmenn þeirra, sem
annt er um málefnið, skuli taka í mál svo ábyrgðarlaust
miðilsstarf. Frú Guðrún Guðmundsdóttir, sem margir
fengu merkilega reynslu hjá, meðan hún starfaði á vegum
S.R.F.I. um margra ára skeið, sagði við mig nýlega: „Að
ég get litið með óblandinni gleði yfir öll þau ár, er ég
starfaði á vegum Sálarrannsóknafélagsins undir hand-
leiðslu Einars Kvarans, er fyrst og fremst að þakka því,
að ég fékk ekki að vita um fundargestina fyrirfram, var
leidd inn í myrkvað herbergi og sá þá ekki fyrr en ég vakn-
aði og fundi var lokið. Og bezt þótti mér, að gestirnir
færu aftur út í myrkri og ég vissi ekki, hverjir fundinn
höfðu setið“.
Að miðlar og samstarfsfólk þeirra skuli ekki nota sér
þessi dýrmætu forréttindi, sjálfra sín og málefnisins
vegna, á ég örðugt með að átta mig á.
*
Kæru félagar, vér erum hér saman á sameiginlegum
fundi félagsins og kvennadeildarinnar, og slíka sameigin-
lega fundi höfum við að jafnaði haft með nokkuð léttari
blæ og glaðari. En hér tek ég mér leyfi til að flytja alvar-
legra mál, og að sjálfsögðu vegna þess, að ég tel það
tímabært. Og þá vegna þess, að þótt margt hafi verið sagt
af þekkingarskorti og óbilgirni í garð þess málefnis, sem
félag vort er stofnað um, í blaðaskrifum undanfama
mánuði, þá verður því ekki neitað, að sumt er það á þeim
i'ökum byggt, sem spíritistar sjálfir hafa lagt andstæðing-
unum í hendur.
Þegar menn gerast svo bamalegir, að þeir halda því hik-
laust fram, að ómerkilegt ljóðafálm sé til þeirra komið frá
Hallgrími Péturssyni, og marklítið orðaglamur sé til þeirra
komið frá sra Haraldi Níelssyni látnum, og þegar menn
láta sér koma í hug, að fræða almenning um afdrif lát-
innar, amerískrar leikkonu, án þess að láta nokkur rök
fylgja því, að þeir hafi náð raunverulegu sambandi við