Morgunn - 01.06.1963, Side 49

Andinn frá Worms
Hverju hvíslaði Óðinn í eyra Baldri?
★
Grein sra Benjamins Kristjánssonar, sem hér fer á
eftir, er birt með leyfi hans og eftir áskorun lesenda
Morguns. Greinin er síðari svargrein hans til „s.a.m."
blaðamanns vegna greinar þeirrar, sem getið er i greina-
flokknum „Úr ýmsum áttum" og er á fyrstu blaðsíðum
þessa heftis Morguns. Þótt ýmsir lesenda Morguns hafi
lesið grein sra Benjamíns í Morgunblaðinu 19. maí s. 1.,
er I henni svo mikið og ýtarlegt efni um deilumál, sem
margir láta sig skipta, að ritstj. þykir rétt að geyma
hana i þessu riti, en dagblöðum munu flestir fleygja,
þegar búið er að lesa þau. — Ritstj.
Það er leiðinlegt að þurfa að leiðrétta sama mann oft-
ar en einu sinni. Þó verður stundum ekki hjá því komizt
til glöggvunar á réttu máli. f Mbl. nýlega hefst Sigurður
A. Magnússon handa um að leggja út af sleggjudómum
sínum í trúmálum, og verður sú útlegging sem vænta má
því verri sem orð hans eru fleiri. Ég sé eftir pappírn-
um, sem í þetta fer. Reyndar þarf ekki að eyða mörgum
orðum að þessu skvaldri hans, því að það er ekki annað
en útmálun á sömu fjarstæðum, sem áður var búið að
hrekja. En ef það mætti verða einhverjum til skilnings-
auka á andlegum málum, má fullvel nota S. A. M. sem
dæmigerðan fulltrúa guðfræðilegs afturhalds og hleypi-
dóma, sem heldur virðist fara vaxandi í landinu, eins og
oft á sér stað á efnishyggjutímum.