Morgunn - 01.06.1963, Page 77

Frá starfsemi S. R. F. í.
★
Á síðasta aðalfundi Sálarrannsóknafélags fslands, sem
haldinn var 11. desember 1962, voni samþykktar ýmsar
breytingar á lögum félagsins, sem leiða til nokkurra
breytinga á starfseminni. Hin eldri lög félagsins voru
frá árinu 1946 og var að sumu leyti orðið erfitt að fram-
fylgja þeim, ,m.a. að því er snertir fundahöld í félaginu,
vegna mikilla örðugleika á því að fá húsnæði til funda-
halda í höfuðstaðnum.
En aðalbreytingin sem nú er gerð, var í því fólgin,
að í stað sjö manna stjórnar og tveggja varastjórnenda,
var kosið tólf manna fulltrúaráð til tveggja ára, sem
síðan kýs þriggja manna framkvæmdastjórn. Flestum
mun kunnugt um hve erfitt er að ná saman fundum í
fjölmennri stjórn, og var það talið til bóta að hafa fá-
menna framkvæmdastjórn til þess að sjá um almenna
starfsemi félagsins, til þess að þurfa ekki ávallt að kalla
saman fund margra manna, oft og einatt til þess að taka
ákvörðun um smávægileg félagsmál, sem aðkallandi eru.
Að sjálfsögðu mun fulltrúaráðið og félagsfundir eftir
sem áður hafa úrslitavald um öll meiri háttar mál fé-
lagsins.
Á aðalfundinum var síðan kosið í fulltrúaráðið, og
hlutu kosningu: Sr. Jón Auðuns, sr. Sveinn Víkingur,
frú Ingibjörg ögmundsdóttir, Gunnar E. Kvaran, stór-
kaupmaður, Sigurlaugur Þorkelsson, fulltrúi, frú Katrín
Smári, Eggert P. Briem, fulltrúi, Otto Michelsen, fram-
kvæmdastjóri, frk. Ásta Stefánsdóttir, Guðmundur Jör-