Morgunn - 01.06.1963, Page 80

74
MORGUNN
Þá hefur verið um það rætt, að Morgunn verði látinn
koma út oftar en hingað til hefur verið. Þó er það ekki
ákveðið, en æskilegt væri ef tekizt gæti.
Fara hér á eftir hin nýju lög Sálarrannsóknafélags
Islands.
Lög Sálarrannsóknafélags íslands
★
1. gr.
Félagið heitir „Sálarrannsóknafélag íslands“, skamm-
stafað S.R.F.Í. Heimilisfang félagsins er í Reykjavík.
2. gr.
Tilgangur félagsins er að efla áhuga almennings á
andlegum málum yfirleitt, en þó sérstaklega að veita
fræðslu um árangurinn af sálarrannsóknum nútímans.
3. gr.
Þessum tilgangi hyggst félagið að ná með fyrirlestrum
og útgáfu bóka og tímarita, ennfremur með því að athuga
miðilsefni og stuðla að þjálfun þeirra, svo og að ráða miðla
í þjónustu félagsins eftir því sem unnt reynist.
4. gr.
Félagið er opið öllum og telst hver sá félagi, sem greiðir
félagsgjöld sín.
5. gr.
Félagsfundir skulu haldnir, þegar henta þykir og ástæð-
ur leyfa. Skylt er að boða til fundar ef 20 félagsmenn
óska þess skriflega.