Saga - 1969, Blaðsíða 80

76
ÓLAFUR EINARSSON
ef miðað er við dvöl Jóhannesar á Seyðisfirði, en þar var
hann lengi vetrar 1898, kemur sú leiðrétting heim við ann-
að starfsár félagsins. Seint á því ári siglir Olgeir til Nor-
egs til að læra bakaraiðn. Jóhannes er þá einnig farinn
frá Akureyri, og tekið er að draga úr félagsstarfinu. Brott-
flutningurinn og deyfðin hafa að líkindum vald.ið því, áð
farizt hefur fyrir að halda aðalfund í janúar 1899 og fé-
lagið lognast út af. Loks var það formlega leyst upp árið
1907 og 80 kr. sjóður þess afhentur nýju félagi.
Ljóst er, að frumkvæðið, sem þurfti til að hefja tilraun
til baráttu daglaunamanna á Akureyri fyrir bættum kjör-
um með stofnun stéttarfélags, hefur komið frá Jóhannesi
Sigurðssyni. Hann hefur flutt með sér reynslu og þekk-
ingu frá Vesturheimi, sem hér hefur komið að notum. Hann
þekkti til hugsjóna jafnaðarstefnunnar, eins og grein hans
í Stefni118 ber með sér, en þar tekur hann upp hanzkann
fyrir jafnaðarmenn og skoðanir þær, sem fram koma í
kvæðum Þorsteins Erlingssonar. Með þeirri grein er hann
að svara ritdómi í Austra um kvæði Þorsteins í Eimreið-
inni. Jóhannes hefur haft samband við Þorstein, eftir að
hann hóf útgáfu Bjarka, og sendi honum greinar, eftir
að Stefnir hafði úthýst greinum Jóhannesar vegna gagn-
rýni hans á blaðið. Auk þess bjó Jóhannes hjá Friðbirni
Steinssyni bókbindara og bóksala á Akureyri, en Friðbjörn
var umboðsmáður Bjarka á Akureyri.119 En ekki er hægt
að benda á ákveðið samband þessara frumkvöðla verka-
mannafélaganna um stofnun þeirra vorið 1897.
Með Verkamannafélögunum á Seyðisfirði og á Akur-
eyri stigu verkamenn fyrstu sporin á þróunarbraut stétt-
arsamtaka verkamanna á íslandi.