Uppeldi og menntun - 01.01.2010, Blaðsíða 45
Uppeldi og menntUn/icelandic JoUrnal of edUcation 19(1–2)/2010 45
frey Ja B i rg iSdÓtt i r
niðurstöður og umræða
Áreiðanleiki
Innri stöðugleiki raunorðaprófsins var metinn með því að reikna Cronbach alfa-stuðul
fyrir hvora fyrirlögn. Áreiðanleiki forprófsins var .58 og eftirprófsins .57. Prófið virðist
því ekki eins áreiðanlegt þegar það er lagt fyrir stóran hóp af börnum og þegar það er
lagt fyrir minni hópa.
Áhrif inngripanna
Í þriðju töflu má sjá meðaltöl og staðalfrávik kennslu- og samanburðarhóps á raun-
orðaprófinu bæði áður en kennslutímabilið hófst og eftir að því lauk.
Tafla 3. Meðalfjöldi réttra svara á raunorðaprófi fyrir og eftir inngrip í athugun 2
Fyrirlögn 1 Fyrirlögn 2
M Sf M Sf
Kennsluhópur 18,0 4,0 22,0 3,6
Samanburðarhópur 20,4 5,2 20,8 6,0
Heild 19,2 4,6 21,4 4,8
Ath. Mögulegur fjöldi réttra svara var 40
Eins og sjá má tók kennsluhópurinn nokkrum framförum við lausn raunorðaprófs-
ins á milli fyrirlagna, en meðaltal samanburðarhópsins stóð nánast í stað. Framfarir
barnanna voru sem fyrr skoðaðar með 2 (fyrirlögn: 1, 2) x 2 (hópur: kennsluhópur,
samanburðarhópur) dreifigreiningu fyrir endurteknar mælingar þar sem kannað var
hvort meðaltöl hvors hóps um sig breyttust marktækt á milli fyrirlagnanna tveggja.
Megináhrif fyrirlagnar voru marktæk, F(1,39)= 13.2, p<0.001, sem og samvirknin milli
fyrirlagnar og hóps F(1,39)= 8.0, p<0.01. Samvirknin var könnuð nánar með því að
bera saman meðaltöl hvors hóps um sig fyrir og eftir íhlutun. Sú greining leiddi í ljós
að börnin í kennsluhópnum leystu marktækt fleiri atriði rétt eftir að kennslutíma-
bilinu lauk en þau gerðu áður en kennslutímabilið hófst, t (24)=5.8, p<0.001. Enginn
munur var aftur á móti á meðaltölum samanburðarhópsins fyrir og eftir íhlutun.
Þessar niðurstöður benda til þess að orðhlutaaðferðin sem notuð var til þess að
kenna litlum hópum í fyrstu athugun skili einnig árangri þegar henni er beitt við
kennslu stærri hópa og við hefðbundnar aðstæður.
almEnn umræða
Tilgangur þessarar rannsóknar var að kanna hvort mögulegt sé að auka orðskiln-
ing barna á yngsta stigi grunnskólans með því að kenna þeim um orðhluta og þær
orðmyndunarreglur sem draga má af tungumáli þeirra. Megintilgátan var sú að orð-
skilningur þeirra barna sem fengu orðhlutakennsluna myndi aukast meira í kjölfar