Uppeldi og menntun - 01.01.2011, Qupperneq 44

Uppeldi og menntUn/icelandic JoUrnal of edUcation 20 (1) 201144
ÓlÍKar áHerSlUr Í leiKSKÓlaStarfi
Foreldraviðtöl eru tvisvar á ári á laugardegi. Það er stór kostur, finnst mér, það koma
yfirleitt báðir foreldrar og þetta er mjög sjarmerandi tími. Þá er starfsfólkið búið að
útfylla gátlista og það er farið í gegnum hann. Foreldar fá hann afhentan, þetta er
ekki eitthvað sem við sitjum uppi með hér. Þetta eru upplýsingar sem talað er um
og síðan fá foreldrar blaðið. Yfirvinna er greidd sem sérverkefni fyrir laugardagana.
Hópstjórarnir taka viðtölin, hvort sem þeir eru faglærðir eða ófaglærðir. Það er svona
ákveðin regla, þetta eiga að vera upplýsandi, fræðandi og skemmtileg viðtöl. Ef það
eru einhver frávik þá förum við aðra leið. Þá þarf kannski að vera öðruvísi viðtal. Það
er ekki verið að taka upp þungu málin í þessum viðtölum, þetta eru eiginlega bara
upplýsingaviðtöl frá báðum aðilum.
Að öðru leyti var ekki gert ráð fyrir beinni þátttöku foreldra í starfinu.
samantEkt og UmræðUr
Markmið rannsóknarinnar var að varpa ljósi á ólíkar starfsaðferðir í leikskólum. Bent
hefur verið á mikilvægi þess að þeir sem hagsmuna hafa að gæta komi að gerð skóla-
námskrár leikskóla og endurskoðun hennar. Slíkt krefst þess að þeir gefi sér tíma til
að setja sig inn í starfið í leikskólanum og til að ræða hvernig þeir vilja hafa hlut-
ina. Þannig á að skapast góð sátt um hvaða aðferðum skuli fylgja í starfi leikskólans
(Bloom, 2000; Dalin, 1993; Owens, 2001; Reid, 1994).
Niðurstöður rannsóknarinnar sýna að aðkoma starfsfólks og foreldra að gerð skóla-
námskrár var takmörkuð í öllum leikskólunum sem tóku þátt í rannsókninni. Þó hafði
starfsfólk þeirra leikskóla sem störfuðu eftir aðferðum Reggio Emilia meiri möguleika
á að taka þátt í mótun skólastefnu síns leikskóla en starfsfólk leikskóla sem unnu eftir
Hjallastefnunni. Niðurstöðurnar benda til þess að tímaskortur og þekkingarleysi leik-
skólastjóra á slíkum vinnubrögðum hafi í sumum tilfellum komið í veg fyrir breiðari
þátttöku.
Val barna á viðfangsefnum var skipulagt á ólíkan hátt í leikskólunum óháð þeirri
stefnu sem unnið var eftir. Annars vegar var um opið val að ræða í leikskólanum Gull-
kistunni en hins vegar skipulagðar valstundir í hinum þremur leikskólunum. Meiri
ánægja var með opna valið hjá viðmælendum, sem fannst börnunum ganga vel að velja
sér leiksvæði innan þess ramma sem þar var gefinn. Skipting barna í hópa var heldur
ekki með sama hætti í leikskólunum og umgengust börnin í Hjallastefnuleikskólunum
frekar börn af sama kyni en börnin í þeim leikskólum sem starfa samkvæmt Reggio
Emilia-aðferðunum. Athyglisvert er að almenn ánægja var meðal þátttakenda með
skipulag viðkomandi leikskóla, en það bendir til þess að bæði starfsfólk og foreldrar
velji sér leikskóla sem notar þær starfsaðferðir sem þeim hugnast.
Starfsfólk Reggio Emilia-leikskólanna taldi hlutverk sitt vera að hlusta á hugmyndir
barnanna og vera vakandi fyrir því hvert áhugi barnanna leiddi starfið. Er það í sam-
ræmi við hugmyndir um fljótandi námskrá (Rinaldi, 2006). Starfsfólk leikskólanna
sem störfuðu samkvæmt Hjallastefnunni vann hins vegar eftir starfslýsingum
stefnunnar sem finna má í ritunum um Hjallastefnuna. Því var svigrúm starfsfólks
mismikið eftir því hvaða stefnu leikskólarnir fylgdu. Niðurstöður sýna að skýrar