Tímarit Þjóðræknisfélags Íslendinga - 01.01.1930, Qupperneq 163

ELLEFTA ÁRSÞING
33
höndum, í því skyni, að styðja að virðu-
legri þátttöku allra Islendinga í henni.
Nefndin leggur þess vegna til að þing-
ið kjósi 10 manna nefnd, 7 konur og 3
menn, sem fastanefnd til eins árs og feli
henni að hafa alla meðferð þessa máls
með höndum í sambandi við stjórnar-
nefnd, sem tekið hefir verið fram.
Winnipeg 28. febr. 1930.
S. Halldórs frá Höfnum,..
ólína Pálsson
Dorothea Pétursson
T. Haukur Sigbjörnsson
Guðm. Arnason
Var nefndarálitið samþykt umræðu-
laust.
Hófst nú útnefning í fastanefndina.
Voru þessi útnefnd: S. H. frá Höfnum,
Haukur Sigbjörnsson, G. S. Thorvaldson,
Mrs. ölina Pálsson, Mrs. Jónína Kristj-
ánsson, Mrs. Guðrún Jónsson, Mrs. Þór-
unn Kvaran, Mrs. Ragnheiður Davíðs-
son, Miss Dóra Benson, Mrs. Dorothea
Pétursson.
Lagt til að loka útnefningu (H. Gísla-
son — Eir. Sigurðsson.)
Ötnefndir svo alilr kjörnir i einu
hljóði.
Manitobahátíðin og landnám Islend-
inga lá því næst fyrir. Séra R. E. Kvar-
an las svo hljóðandi nefndarálit.
Alit nefndar er fjallar um greinargerð
fyrir Iandnámi Islendinga í Manitoba.
Eins og kunnugt er, verður 60. afmæli
Manitobafylkis hátíðlegt haldið á þessu
sumri. Hafa forráðamenn fylkisins lát-
ið það í ljós, að þeir mundu leggja kapp
á að safna og birta drög til sögu þjóð-
flokka þeirra, sem fylkið hafa bygt.
Jafnframt hefir verið tilkynt, að þakk-
látssamlega yrði þegin öll aðstoð, sem
stuðlað gæti að því, að slík greinargerð
yrði sem fullkomnust og greinilegust.
Vill nefndin leggja áherzlu á, að henni
virðist islenzkum mönnum næsta skylt
að bregðast við og sjá um, að greinar-
gerðin fyrir íslenzkum landnámsmönn-
um fylkisins ,starfi þeirra, afrekum og
lífi, verði samin. Og er þá enginn aðili
sjálfsagðari í því máli en félag vort.
Fyrir þá sök leggur nefndin til:
1. Að stjórnarnefndin hlutist til um
°S sjái um, að valinn verði hæfur mað-
ur til þess að semja ritgerð um Islend-
inga í Manitoba, er afhent verði stjórn
fylkisins eða þeim mönnum, er með
höndum hafa bókmentalega hlið minn-
ingarhátíðarinnar.
2. Að stjórnarnefndin sjái um, að
menn verði fengnir til þess að skrifa ít-
arlegar greinargerðir fyrir Islendingum
í væntanlegar hátíðarútgáfur stórblaða
fylkisins, sem gefnar verða út við það
tækifæri, ef því yrði við komið.
Á þingi Þjóðræknisfélagsins, 28. fe-
brúar, 1930.
Ragnar E. Kvaran
Benjamín Kristjánsson
Hjálmar Gíslason.
Samþykt að ræða álitið lið fyrir lið.
Ari Magnússon lagði til að samþykkja
fyrsta lið; Eir, Sigurðsson studdi. Sam-
þykt. Annar liður var og samþyktur
samkvæmt tillögu séra F. A. Friðriks-
sonar, er G. S. Friðriksson studdi. Nefnd
arálitið síðan samþykt i einu hljóði.
• Endurskoðað álit húsnæðis- og bóka-
safnsnefndar kom þá fyrir þingið, lesið
og skýrt af séra R. Marteinssyni.
Nefndin í húsnæðis- og bókasafnsmál-
inu finnur til erfiðleika að finna nokkra
varanlega úrlausn. Hún telur það mjög
miklu máli skifta, að félagið eignist heim-
ili hér í Winnipeg, sem gæti orðið mið-
stöð fyrir starfið. Hins vegar hafa til-
raunir til að nálgast það takmark, leitt
í ljós svo miklar hindranir á þeirri leið,
að ekki virðist nokkurt viðlit, að þvi tak-
marki verði náð á næsta ári.. Það sem
nefndinni helzt finst viðráðanlegt og hún
þess vegna mælir með, er eins og nú skal
greina:
1. Að bækurnar, sem félagið nú á, séu
fluttar á hentugan stað í hagnýta skápa,
skrá samin og safnið opnað til útlána.
2. Að framkvæmdarnefndinni sé heim-
ilað að greiða bókaverði sanngjarna
þóknun.
3. Framkvæmdir allar og frekari við-
leitni til heppilegrar niðurstöðu í hús-
næðismálinu felist framkvæmdarnefnd-
inni.
Rúnólfur Marteinsson
B. Dalman
Ólafur S. Thorgeirsson
Eiríkur H. Sigurðsson.