Árbók VFÍ/TFÍ - 01.06.2010, Side 23

Rafmagnsverkfræðingadeild
I stjórn rafmagnsverkfræðingadeildar VFÍ (RVFÍ) starfsárið 2009-2010 sátu Eyrún Linnet
formaður, Pétur Örn Magnússon stallari, Garðar Hauksson ritari og Margrét Edda
Ragnarsdóttir gjaldkeri. Starfsemi deildarinnar hefur verið með hefðbundnum hætti.
Aðalfundur RVFÍ 2009 var haldinn í Verkfræðingahúsi 28. maí 2009 þar sem ofangreind
voru kosin í stjórn.
Þema vetrarins 2008-2009 var nýsköpun á sviði rafmagnsverkfræði og veturinn
2009-2010 hafa fyrrum nýsköpunarfyrirtæki, sem gert hafa það gott á alþjóðlegum
markaði, verið sótt heim og stefnt er að því að áherslan verði á nýsköpun.
Þann 19. október 2009 var farið í heimsókn til tölvuleikjaframleiðandans CCP. Þar tók á
móti okkur Kristinn Þór Sigurbergsson sem fjallaði um CCP og aðalvöru þess, EVE
Online. Einnig talaði hann um „scrum" þróunaraðferðina sem CCP hefur tekið opnum
örmum og hefur hjálpað fyrirtækinu mjög í þróunarferli sínum. Loks fengu gestir að
ganga um fyrirtækið þar sem ekki leyndi sér að mikið er lagt upp úr því að skapa vin-
samlegt vinnuumhverfi fyrir starfsfólk.
Þann 4. febrúar 2010 hélt Hildur Einarsdóttir hjá stoðtækjafyrirtækinu Össuri kynningu
fyrir hóp rafmagnsverkfræðinga. Ásamt því að kynna fyrirtækið og margvíslegt vöru-
úrval þess víða um heim fjallaði Hildur bæði um RHEO knee sem er gervihné með stopp-
ara (passive) og POWER knee sem er gervihné með mótor (active). Hvort tveggja eru hné
fyrir fólk sem misst hefur fætur fyrir ofan hné. Hildur fjallaði um hvernig slík hné virka,
en á óvart kom að töluverður hugbúnaður stýrir virkni POWER knee og til að mynda er
hægt að stilla það þráðlaust í gegnum Bluetooth-tengingu. Loks gekk POWER knee
notandi upp og niður stiga og útskýrði fyrir hópnum hvað það breytti miklu fyrir sig að
geta með góðu móti stundað þessa hversdagslegu athöfn.
Eyrún Linnet, formaður RVFÍ
Orðanefnd RVFÍ - ORVFÍ
Farið var af stað við að endurskoða íslenskt-enskt-íslenskt raftækniorðasafn frá árinu
1997. Jafnframt var bætt við íðorðum Raftækniorðasafns 6 til 13. Þar með er kominn
grunnur að fyrirhuguðu nýju íslensku-ensku-íslensku orðasafni. Þar verða þá íðorð
fimmtán orðabóka sem ORVFÍ hefur gefið út frá árinu 1965. Eina bók eldri gaf
orðanefndin út árið 1952. Það var danskt-íslenskt bráðabirgðaorðasafn úr rafmagnsfræði.
Orðanefndin hélt áfram endurskoðun sinni og samræmingu orða íslensk-enska
orðasafnsins í byrjun starfsársins 2009 og lauk því verki í júní.
Unnið var að því að finna eða frumþýða íðorð úr nýjum köflum í orðasafni Alþjóða
mftækninefndarinnar, IEC og setja upp í íslenskt-enskt orðasafn í tölvu.
ORVFÍ átti fulltrúa á árlegri Rask-ráðstefnu um íslenskt mál og almenna málfræði á
vegum Islenska málfræðifélagsins og Málvísindastofnunar Háskóla íslands.
ORVFÍ er stofnfélagi að Málræktarsjóði og hefur árlega sent fulltrúa sinn á aðalfundi
s]óðsins. Svo var einnig á liðnu ári.
Undir lok febrúar 2009 barst nefndinni þingsályktunartillaga um íslenska málstefnu frá
Alþingi með beiðni um umsögn nefndarinnar.
Nefndinni berast öðru hverju fyrirspurnir frá þýðingarmiðstöð utanríkisráðuneytis. Svo
var einnig á starfsárinu. Reynt er að greiða úr vanda fyrirspyrjenda hverju sinni.
Orðanefnd rafmagnsverkfræðinga var stofnuð 16. maí 1941, svo að nefndin verður 70 ára
a næsta ári. Rafmagnsverkfræðingar innan Verkfræðingafélags íslands voru ekki margir
Félagsmál VFÍ/TFÍ