Árbók VFÍ/TFÍ - 01.06.2010, Qupperneq 262

ítarleg rannsókn var gerð á lágspennuhluta dreifikerfisins víða á þjónustusvæði Orku-
veitu Reykjavíkur í þeim tilgangi að meta svigrúmið í kerfinu fyrir nýtt álag eða það sem
nefnt hefur verið vannýtt straumgeta kerfisins. Niðurstöðurnar eru að stærstum hluta
jákvæðar. Þar sem núverandi forsendur gera ekki ráð fyrir rafbílaálagi er þó ljóst að víða
í rafdreifikerfinu þyrfti að leggja í töluverðar fjárfestingar til að styrkja kerfið ef af stór-
felldri rafbílavæðingu yrði á næstu árum. Þó eru á því þó nokkrar undantekningar þar
sem rafdreifikerfið í núverandi mynd gæti þjónað 100% rafbílavæðingu á afmörkuðum
svæðum.
Rannsókn var gerð á því sérstaklega hver líkleg orkuþörf rafbílaflota væri og einnig við
hverju mætti búast varðandi aflúttekt úr kerfinu. Ákveðið var að miða við 50 þúsund raf-
bíla á næstu 20 árum. Niðurstöðurnar benda til að orkuþörfin sé um 112 GWh. Þessi
orkuþörf kæmi inn í áföngum en gera þarf ráð fyrir þessu í virkjunaráætlunum. Líkleg
aflúttekt er um 70 MW og miklu skiptir hvenær sólarhringsins þetta álag kemur inn á
kerfið. Óæskilegt væri að fá hleðsluálagið inn á kvöldtopp dægursveiflunnar og raunar
myndi dreifikerfið ekki ráða við það án verulegra spennuvandræða. Það þarf því að líta
til einhverra aðferða til að koma megninu af þessu álagi yfir á lágálagstímann sem er á
nóttunni.
Ný vandamál kunna að skjóta upp kollinum samfara rafbílavæðingu sem tengjast einmitt
því að færa megnið af hleðsluálaginu yfir á nóttina. Nánar tiltekið er hér um að ræða
vandamál sem snúa að varmamyndun sem verður vegna tapa í jarðstrengjakerfinu.
Þessum varma þarf að koma út úr kerfinu aftur til þess að ekki verði hætta á ofhitnun og
skemmdum á strengjum. Verði umtalsverð aukning á næturálagi fá strengirnir ekki
lengur þá reglubundnu „hvíld" sem nú fylgir lágálaginu á nóttunni. Þetta þarf að skoða
sérstaklega ef til endurskoðunar kæmi að öðru leyti á hönnunarforsendum dreifi-
kerfisins.
Heimildir
[1] IEA. Annual Energy Outlook 2005. US Department of Energy (2005).
[2] Arnar Bragason. Rafvæðing bílaflotans á Islandi. Háskólinn I Reykjavík (2009).
[3] Valgerður Einarsdóttir Rafbílavæðing höfuðborgarsvæöisins - Mat á ónýttri straumgetu I rafdreifikerfi Orkuveitu
Reykjavikur. Orkuveita Reykjavíkur (2010).
[4] Elísabet Björney Lárusdóttir. Áhrif tengjaniegra tvinnblla d spennufall og afgangsstraumgetu rafdreifikerfis Orkuveitu
Reykjavlkur. Háskólinn í Reykjavík (2007).
[5] http://www.betterplace.com/the-solution-switch-stations.
[6] http://www.mitsubishimotors.com/special/ev/.
[7] http://www.nissanusa.eom/leaf-electric-car/specs-features/index#/leaf-electric-car/specs-features/index.
[8] http://www.teslamotors.com/roadster/specs.
2 6 0
Arbók VFl/TFÍ 2010