Skessuhorn - 17.12.2014, Page 12
12 MIÐVIKUDAGUR 17. DESEMBER 2014
Á hádegi á föstudaginn opnaði
verslunarfyrirtækið Lífland nýja
og glæsilega reiðvöru- og bú-
rekstrarverslun að Borgarbraut
55 í Borgarnesi, þar sem síðast
var rekin efnalaug. Henni er fyrst
og fremst ætlað að þjóna Vestur-
landi. Þessi verslun tekur að hluta
til við af hlutverki verslunarinnar
Knapans sem var til húsa í Hyrnu-
torgi en hefur nú verið lokað. Segja
má þó að Knapinn hafi ekki farið
langt. Hin nýja verslun Líflands er
handan Borgarbrautar beint á móti
Hyrnutorgi.
„Knapinn var með hestavörur og
rekstrarvörur til bænda. Við ætlum
að halda þessu áfram og auka úr-
valið af rekstrarvörunum. Við vilj-
um að bændur geti komið og keypt
það sem þá vantar í allt sem teng-
ist venjulegum búrekstri. Það má
nefna bætiefni, handverkfæri eins
og skóflur og flórsköfur, vinnu-
fatnað svo sem vettlinga, galla og
fleira. Margt af þeim fatnaði til að
mynda sem við erum að selja eru
mjög fínar flíkur sem henta afar vel
til útivistar auk þess að vera vinnu-
fatnaður,“ segir Þórir Haraldsson
framkvæmdastjóri Líflands.
Ný Líflandsverslun á Vestur-
landi þýðir að fyrirtækið færir út
kvíarnar í verslanarekstri sínum.
„Við erum með tvær verslanir í
Reykjavík, eina á Akureyri og eina
á Blönduósi. Fólk vill hafa þjón-
ustu í heimabyggð og við erum að
svara þeirri eftirspurn. Við viljum
því efla okkur hérna á Vesturlandi
og vera með verslun í landshlutan-
um,“ segir Þórir Haraldsson. mþh
Bílaþjónustufyrirtækið Bílar og
Dekk á Akranesi hefur fjárfest í nýj-
um og fullkomnum sprautuklefa til
bílamálunar. „Við ætlum að bjóða
upp á réttingar og sprautun, bæði
fyrir einstaklinga og trygginga-
félögin. Við erum búnir að semja
við stærstu félögin í því. Við bætum
við starfi bílamálara á verkstæðinu
og vonandi bætast svo fleiri starfs-
menn við. Hérna verður líka rétt-
ingaverkstæði. Það gætu því orðið
tveir til þrír starfsmenn til viðbót-
ar hjá Bílar og Dekk,“ segir Ólafur
Eyberg Rósantsson við Skessuhorn.
Hann hefur rekið Bíla og Dekk
ásamt Óskari Rafni Þorsteinssyni
síðan þeir félagar stofnuðu fyrir-
tækið í sameiningu snemma sum-
ars 2008.
Nýi sprautuklefinn er af þýskri
gerð. „Þessi klefi er fluttur inn
splunkunýr og ónotaður. Hann er
fjórir sinnum sjö metrar að inn-
anmáli þannig að það er pláss fyr-
ir stóra bíla inni í honum. Þetta er
allt samkvæmt nýjustu gerð,“ seg-
ir Óskar Rafn. Ólafur Eyberg bæt-
ir því við að með þessu sé fyrirtæk-
ið komið með alhliða viðgerða-
og viðhaldsþjónustu á bílum. „Við
erum hér við Akursbrautina með
alla okkar þjónustu í aðskildum
rýmum, hlið við hlið og undir einu
þaki. Hér stundum við nú almenn-
ar bíla- og vélaviðgerðir, rekum
dekkjaverkstæði, erum með smur-
þjónustu og svo núna bílasprautun-
ar- og réttingaverkstæði. Við eigum
að geta þjónustað okkar viðskipta-
vini frá A til Ö eins og maður seg-
ir.“
Undanfarið hafa þeir félagar
unnið baki brotnu við að koma nýja
klefanum fyrir. Nú er allt klapp-
að og klárt. „Það er þegar búið að
mála einn bíl í klefanum og við
erum með fjóra bókaða í vikunni
þannig að þetta fer bara vel af stað,“
segja þeir Ólafur Eyberg og Ósk-
ar Rafn.
mþh
Aðalfundur hestamannafélagsins
Faxa í Borgarfirði fór nýverið fram.
Gestur fundarins var Erling Sig-
urðsson og flutti hann skemmti-
legan og fróðlegan pistil, sem vakti
mikla kátínu fundarmanna. Viður-
kenningu fyrir vel unnin störf fyr-
ir félagið kom að þessu sinni í hlut
Randi Holaker á Skáney en hún
hefur unnið mikið og gott starf í
gegnum árin sérstaklega í tengslum
við KB mótaröðina.
Íþróttamaður Faxa var Konráð
Axel Gylfason á Sturlu-Reykjum II.
Þetta er jafnframt í þriðja sinn sem
hann hlýtur þennan titil þrátt fyrir
ungan aldur, en Konráð er 17 ára.
Faxafélagar óska Randi og Konráð
til hamingju með sín verðlaun, seg-
ir í tilkynningu frá félaginu. mm
Laugardaginn 20. desember og
sunnudaginn 21. desember verða
haldnir tvennir styrktartónleikar
í Akranesvita. Á laugardeginum
verða Stúkurnar með tónleika sem
hefjast kl. 20.00. Á sunnudegin-
um verða 12 mismunandi tónlist-
armenn sem munu flytja tónlist
í vitanum, en þeir tónleikar hefj-
ast kl. 14.00. „Ekkert kostar á tón-
leikana en frjáls framlög verða vel
þegin. Allir listamenn gefa vinnu
sína, sem er ómetanlegt, og vil ég
hér með þakka þeim fyrir það. All-
ur ágóði rennur til Hollvinasam-
taka Heilbrigðisstofnunar Vestur-
lands HVE, en samtökin eru að
safna fyrir sneiðmyndatæki fyr-
ir HVE um þessar mundir,“ segir
í tilkynningu frá Hilmari Sigvalda-
syni vitaverði.
mm
Stúkurnar munu koma fram á fyrri tónleikunum.
Tvennir tónleikar í
Akranesvita um helgina
Konráð Axel Gylfason á Verði á Landsmóti.
Randi og Konráð færð
viðurkenning frá Faxa
Randi Holaker á Skáney.
Þórir Haraldsson framkvæmdastjóri, Kristinn Björnsson
stjórnarformaður Líflands og Sigurgeir Sindri Sigurgeirs-
son bóndi og formaður Bændasamtaka Íslands.
Lífland opnaði nýja verslun á Vesturlandi
Kolfinna Jóhannesdóttir sveitarstjóri Borgarbyggðar færði Þóri Haraldssyni
framkvæmdastjóra blómvönd með hamingjuóskum á opnunardaginn.
Fjöldi viðskiptavina lagði leið sína í nýju Líflandsverslunina á
opnunardaginn. Gunnfríður Harðardóttir (Guffý) sem verður
verslunarstjóri og var áður með Knapann, og Ásta Þorsteins-
dóttir voru meðal þeirra sem sáu um afgreiðslu.
Sprautuklefinn er af þýskri gerð og hinn vandaðasti með góðri lýsingu og afar
fullkominni loftræstingu.
Nýtt bílasprautunarverkstæði
opnað á Akranesi
Ólafur Eyberg Rósantsson og Óskar Rafn Þorsteinsson fyrir framan nýja
sprautuklefann.