Skessuhorn - 17.12.2014, Side 32

32 MIÐVIKUDAGUR 17. DESEMBER 2014
„Við hér á Gufuskálum búum í
um 300 metra fjarlægð frá strönd-
inni. Ég hef átt heima hér í 14 ár
en aldrei á þeim tíma kynnst við-
líka brimi og var hér þriðjudag-
inn 9. desember. Það drundi hér í
öllu. Maður hafði á tilfinningunni
að það væru að koma jarðskjálftar.
Þetta var beinlínis óhuggulegt. Ég
hef aldrei heyrt svona hljóð fyrr í
þessum mæli,“ segir Þór Magnús-
son á Gufuskálum þegar hann lýs-
ir briminu og storminum sem gekk
yfir á utanverðu Snæfellsnesi í síð-
ustu viku. „Seinustu tvö til þrjú
árin hafa verið að koma meiri veður
hérna. Einhvern veginn finnst mér
að svona stormar séu orðnir tíð-
ari nú í seinni tíð,“ bætir Þór við.
Eftir hvassa suðaustanátt lægði
mikið þegar líða tók á miðvikudag-
inn í síðustu viku og gerði svo algert
logn á meðan vindurinn snéri sér í
vestanátt. Gerði þá aftur mikinn sjó
á Breiðafirði og var stórkostlegt að
fylgjast með öldunum þegar þær
brotnuðu á klettunum. Þegar flóð-
ið var að ná hámarki um níuleytið
var brimið svo mikið að það gekk
vel á land á Hellissandi, alveg frá
Drimbum vestur að þar sem gamla
frystihúsið var í þorpinu. Ekki eru
mörg ár síðan grjótgarður var gerð-
ur í fjörunni við Hellissand vegna
þess að á árum áður gekk sjór oft á
land á þessum slóðum.
Meðfylgjandi myndir sýna hvílík
ógnaröfl voru að verki við strönd-
ina á utanverðu Snæfellsnesi á með-
an þetta aðventubrim var að ganga
yfir.
mþh/þa
Íbúar í Keflavíkurgötu 13 á Hellissandi urðu óþyrmilega vör við brimið þegar
öldurnar skullu á húsinu og báru með sér stóra grjóthnullunga eins og sjá má.
Öldurnar voru svo stórar að þær gengu fram fyrir húsið. Þykir mildi að rúður
brotnuðu ekki í svalahurðinni. Ljósm. Þröstur Albertsson.
Hrikalegt brim og flóð við utanvert Snæfellsnes
Brimskaflarnir við Malarrif voru rosalegir. Góður mælikvarði á stærð þessarar öldu er að miða við Malarrifsvita á myndinni
sem er 24,5 metra hár. Ljósm. Ægir Þórsson.
Öldurnar þeyttust hátt til himins þegar þær skullu á klettunum við Snæfellsnes.
Ljósm. Ægir Þórsson.
Maðurinn verður ósköp lítill frammi fyrir þessum náttúruöflum.
Ljósm. Ægir Þórsson.
S
K
E
S
S
U
H
O
R
N
2
01
2