Frjáls verslun - 01.07.2013, Síða 96

96 FRJÁLS VERSLUN 7. 2013
Icelandair gleður fjárfesta:
Er alltaf góður
tími til að kaupa?
Í eina tíð sögðu fjárfestar að það væri alltaf góður tími til að kaupa í finnska farsímafram ­
leiðandanum Nokia. Það
reyndist ekki svo. Í dag segja
fjárfestar á Íslandi að það sé
alltaf góður tími til að kaupa í
Icelandair og það hefur reynst
vera svo síðan félagið skilaði
sér í Kauphöllina.
Þetta ár virðist ekki ætla að
verða síðra, félagið ætlar enn
eitt árið að verða það félag sem
skilar fjárfestum mestri ávöxtun.
Vitaskuld er eignarhaldið nokk­
urt vandamál þar sem lífeyris­
sjóðirnir eiga 45% í Icelandair,
sem er hærra en skynsamlegt
getur talist, bæði fyrir félagið og
lífeyrissjóðina. Hlutdeild þeirra
fór hæst í 50% en hefur aðeins
minnkað en ekki nógu mikið að
flestra mati. Augljóslega vantar
lífeyrissjóðina fleiri fjárfestingar­
kosti.
Rekstur Icelandair dregur að
sjálfsögðu dám af því að gríðar ­
legur uppgangur hefur verið í
ferðaþjónustu hér á landi. Um
nokkurra ára skeið hefur ferða­
þjónustan vaxið um 15% að
jafnaði á ári. Spár gera ráð fyrir
áframhaldandi aukningu.
Um leið er augljóst að skipu­
lag og stjórnun Icelandair er
styrk og uppbygging félagsins
hvílir á traustum stoðum. Eina
sem mátt hefur gagnrýna er
hinn aldni flugfloti félagsins en
nú hefur verið lögð fram áætlun
um endurnýjun hans sem
verður líklega stærsta fjárfest­
ingaverkefni atvinnulífsins
næstu árin.
Nú hefur verið lögð fram áætlun um
endur nýjun flugflota Icelandair sem verður
líklega stærsta fjárfestingaverkefni atvinnu­
lífsins næstu árin.björgólfur Jóhannsson, forstjóri
icelandair group.
Skuldabréfamark-
aðurinn minnir á sig
Ávöxtunarkrafa skuldabréfa hefur hald ið áfram að lækka og verð hluta­bréfa hefur hækkað.
En þótt skráning öflugra fyrirtækja á
mark að og aukin velta hlutabréfa hafi ein ­
kennt yfirstandandi ár hefur skuldabréfa ­
markaðurinn einnig minnt á sig. Veitir ekki
af, segja margir, en að hluta til hefur áhersl­
an verið að færast af skuldabréfamarkaði
yfir á hlutabréfamarkaðinn.
„Þessi þróun var að flestu leyti fyrirsjáan­
leg þótt að mínu viti hafi gengið of hægt
að fjölga skráðum félögum í kauphöllinni.
Vonandi að það gangi betur á komandi
miss erum. Það væri dapurlegt ef öflug fé ­
lög festust í einhverju millibilsástandi áður
en almennum fjárfestum væri boðin þátt­
taka. Sama á við um skráningu fyrirtækja ­
skuldabréfa, en gaman væri að sjá fleiri
og fjölbreyttari flokka skráða á markað. Þá
mættu útgefendur og fjárfestar hugsa um
með hvaða hætti auka mætti seljanleik ­
ann á markaðinum,“ segir Stefán Broddi
Guðjónsson, sérfræðingur hjá greiningar ­
deild Arion banka.
Stefán bendir á að verðbréfamarkaðurinn,
eins og aðrir eignamarkaðir, taki mið af
þeirri staðreynd að mikið laust fé sé í um ­
ferð og mikill sparnaður stöðugt að mynd ­
ast í krónum.
„Ávöxtunarkrafa skuldabréfa hefur
haldið áfram að lækka og verð hlutabréfa
hefur hækkað ásamt því sem mér sýnist
að áhættu álag til hlutabréfa hafi lækkað.
Mér sýnist væntingar fjárfesta benda til
þess að framhald verði á þessari þróun.
Ísland er ekkert einsdæmi. Víðast hvar á
Vesturlöndum hefur þróunin verið á þessa
lund megnið af árinu. Þannig hefur ávöxtun
íslenskra hlutabréfa í kauphöllinni verið í
samræmi við þróunina annars staðar og
vísitölur meira að segja hreyfst í takt.
Þátttakendum á íslenskum fjármála mark ­
aði má segja til hróss að þeir hafa alls ekki
verið hlutlausir í hegðun sinni eða verið
ónæmir á verðlagningu. Þvert á móti hafa
þeir virkilega sýnt afstöðu sína í verki.
Þann ig hafa óljós skilaboð ráðamanna
haft talsverð áhrif á verðþróun íbúðabréfa
og uppgjör undir væntingum hafa leitt til
verðlækkunar hlutabréfa. Sama á við um
jákvæð tíðindi. Markaðurinn bregst við og
mér sýnist hjarðhegðun minni en á árum
áður,“ sagði Stefán.
En fjárfestar ættu að hafa í huga að
gjald eyrishöftin skapa skilyrði fyrir lægri
innlenda vexti en ella og þrýsta eignaverði
þannig almennt upp. Það hefur gerst á
húsnæðismarkaði og virðist einnig vera
að gerast í Kauphöllinni. Vonandi að nýjar
vísbendingar um aukinn hagvöxt sýni að
hagkerfið sé að taka við sér og geti haldið
í við markaðsvæntingar, sem alltaf virðast
miklar hér á landi!
„Fjárfestar ættu að hafa í
huga að gjaldeyrishöftin
skapa skilyrði fyrir lægri
innlenda vexti en ella og
þrýsta eignaverði þannig
almennt upp.“
FJÁRmÁL