Frjáls verslun - 01.04.2006, Page 22
22 F R J Á L S V E R S L U N • 4 . T B L . 2 0 0 6
FORSÍÐUEFNI
út í verslunarrekstur. „Foreldrar hennar ráku fataverslanirnar
Pophúsið og Buxnaklaufina á sínum tíma og Ragnhildur kynntist
verslunarrekstri hjá þeim. Við vorum alltaf að líta í kringum okkur
og reyna að finna eitthvað sem gæti passað á íslenskan markað,“
segir Sverrir. Ragnhildur og Sverrir höfðu séð verslunina Noa Noa
á ferðalagi í Kaupmannahöfn og merkið vakti áhuga hjá þeim. „Við
sáum strax að vörur Noa Noa myndu passa vel á
íslenskum markaði.“
Í ársbyrjum 1999 tók Sverrir sér sex mánaða
leyfi frá störfum hjá Nýherja til að vinna með Ragn-
hildi að opnun verslunarinnar Noa Noa í Kringl-
unni en málin fóru á annan veg og hann ílentist í
verslunarbransanum.
„Það gerðist allt mjög hratt í sambandi við Noa
Noa. Við unnum heimavinnuna vel áður en við
höfðum samband við fyrirtækið og þeim leist vel
á dæmið. Á fyrsta fundi lýstu þeir áhuga á frekara
samstarfi en það var einn hængur á, við urðum
að ákveða okkur strax ef við ætluðum að opna
verslun á Íslandi sama ár. Við fengum viku til að
ganga frá pöntunum og slógum til. Þrátt fyrir að
vera ekki komin með húsnæði og eiga ekki túskilding með gati
tókum við sénsinn og gerðum pöntun upp á tugi milljóna.“
Að sögn Sverris opnuðu þau fyrstu verslunina í Kringlunni og
hún gekk betur en þau höfðu þorað að vona. Það varð eiginleg allt
vitlaust að gera á fyrsta degi og verslunin gengur enn mjög vel.
Sverrir heillaðist strax af verslunarrekstri og fannst hann mjög
spennandi. „Hann fangaði mig frá upphafi. Það er mikil dínamík í
verslunarrekstri og mikil samskipti við viðskiptavininn. Þetta er
allt annar heimur en tölvubransinn þar sem maður sér sjaldnast
viðskiptavininn og hann hefur í raun mun minna val. Endurgjöfin
frá viðskiptavininum í verslun er mjög hröð og maður finnur um
leið hvort hann er ánægður eða ekki.“
Þrátt fyrir gott gengi fóru Sverrir og Ragnhildur
varlega í rekstrinum og gættu þess að fara ekki út
í óþarfar fjárfestingar. Sverrir var með ódýrt skrif-
borð inni á kaffistofu starfsmanna. Allur krafturinn
var lagður í verslunina en minna í yfirbygginguna.
Velgengni Noa Noa í Kringlunni varð til þess að
hjónin opnuðu aðra verslun á Laugavegi sem þau
ráku til ársins 2003. Sama ár færðu þau enn út kví-
arnar og opnuðu NEXT í Kringlunni.
„Þegar NEXT var í undirbúningi árið 2002 var
erfitt að fá fjármagn í bönkum til verslunarreksturs
eftir erfitt ár 2001 almennt í smásöluverslun. Við
tókum því fjárfesta inn í það dæmi með okkur.“
Sverrir segir að NEXT hafi gengið mjög vel og að
fjárfestingin hafi skilað sér hratt.
Þegar Sverrir er spurður hvað reki hann áfram í viðskiptum
svarar hann því til að það hafi alltaf staðið til að stækka fyrirtækið
og renna frekari stoðum undir reksturinn. „Við vinnum alltaf
heimavinnuna vel og skoðum málin frá mörgum hliðum áður en
við tökum ákvarðanir en því er ekki að neita að það er mikill drif-
Sverrir Berg Steinarsson, kaupsýslumaður og stjórnarformaður í Árdegi, Merlin og Degi Group, er fæddur í Reykjavík 5. janúar 1969.
Mér finnst versl-
unarrekstur mjög
spennandi og
hann fangaði mig
frá upphafi. Það
er mikil dínamík
í verslunarrekstri
og mikil nánd við
viðskiptavininn.