Frjáls verslun - 01.04.2006, Side 38

38 F R J Á L S V E R S L U N • 4 . T B L . 2 0 0 6
1. Færð þú alræðisvald á RÚV þegar
félagið verður gert að hlutafélagi?
„Nei, fjarri því. Í félaginu verður auðvitað
stjórn eins og í öðrum hlutafélögum.“
2. Færð þú vald til að skera niður þann
kostnað og þær skuldbindingar sem sliga
fjárhag RÚV núna?
„Framkvæmdastjóri félags hefur auðvitað
slíkt vald í umboði stjórnar þess.“
3. Hverjir verða helstu tekjupóstar RÚV
eftir hlutafélagsvæðinguna og hvernig
mun hlutfallið á milli auglýsingatekna og
skatttekna skiptast?
„Tekjur RÚV skiptast nú gróflega þannig
að 2/3 koma frá afnotagjöldum sem munu
breytast í nefskatt með nýjum lögum og
1/3 frá auglýsingum og kostun. Ég sé engar
stórar breytingar verða á þessu vegna
nýrra laga.“
4. Útvarpsráð verður lagt niður, en mun
ný stjórn RÚV ekkert koma að mannaráðn-
ingum í stjórnunarstöður hjá fyrirtækinu?
„Ný stjórn mun ekki koma að slíkum
málum nema hvað varðar útvarpsstjór-
ann sjálfan.“
5. Verður klippt á öll afskipti stjórnmála-
manna af fyrirtækinu með hlutafélagsform-
inu? Sækir þú vald þitt áfram til mennta-
málaráðherra?
„Sjálf tilvist Ríkisútvarpsins verður auð-
vitað áfram í höndum stjórnmálamanna,
en afskiptum þeirra af dagskrármálum og
mannahaldi lýkur. Útvarpsstjórinn mun
sækja vald sitt til stjórnar félagsins, en
ekki til menntamálaráðherra.“
6. Hverjir eru helstu kostir þess að RÚV
verði hlutafélag?
„Það verður hægt að reka það með hag-
kvæmari og skilvirkari hætti og gera það
þannig betur í stakk búið til að gegna hlut-
verki sínu.“
7. Hverjir eru helstu gallar þess að RÚV
verði hlutafélag?
„Engir.“
8. Telur þú að hlutafélagsvæðingin sé
fyrsta skrefið að því að selja RÚV?
„Nei. Ef einhvern tíma myndast pólitískur
meirihluti fyrir því að selja RÚV yrði það
gert án tillits til þess hvaða rekstrarform
væri við lýði á þeirri stundu.“
Y F I R H E I R S L A – P Á L L M A G N Ú S S O N
TEXTI: ERLA GUNNARSDÓTTIR • MYNDIR: GEIR ÓLAFSSON
Útvarpsstjóri í yfirheyrslu:
Margir velta því fyrir sér hvort Páll Magnússon útvarps-
stjóri fái alræðisvald eftir að RÚV verður gert að hlutafé-
lagi en frumvarp þess efnis liggur núna fyrir. Sjálfur segir
hann að það sé fjarri öllu lagi. Með nýju lögunum verður
útvarpsráð lagt niður og menntamálaráðherra mun ekki
ráða útvarpsstjóra heldur stjórn hlutafélagsins.
RÚV háeff