Frjáls verslun - 01.04.2006, Qupperneq 41

F R J Á L S V E R S L U N • 4 . T B L . 2 0 0 6 41
Ég tel að með því að gera Ríkisútvarpið að
hlutafélagi verði hlutverki þess sem þjóðar-
útvarps ógnað. Ríkisútvarpið hefur hingað
til haft skyldum að gegna umfram það sem
markaðsfyrirtæki sinna, svo sem mikilvægu
öryggishlutverki og framleiðslu á íslensku
menningarefni fyrir útvarp og sjónvarp.
Vegna eðlis hlutafélaga er ljóst að með því
að gera Ríkisútvarpið að hlutafélagi rofna
þau tengsl sem það hefur haft sem þjóðarút-
varp með menningarlega og samfélagslega
ábyrgð.
Þegar RÚV verður gert að hlutafélagi
er fyrirsjáanlegt að það verði losað undan
ýmsum lögum og reglum sem gilda sérstak-
lega um ríkisrekstur, svo sem varðandi fjár-
reiður, upplýsingagjöf, starfsmannahald og
lántökuheimildir. Það er mjög mikilvægt að
eigandi Ríkisútvarpsins, þjóðin, eigi aðgang
að öllum upplýsingum um þau atriði sem hér
voru nefnd og öll stjórnsýsla sé gagnsæ.
Mikilvægasta hlutverk Ríkisútvarpsins er
í þágu lýðræðisins, enda ber Ríkisútvarpinu
samkvæmt lögum að gæta óhlutdrægni,
vernda skoðanafrelsi og halda uppi fjöl-
breyttum skoðunum. Ríkisútvarpið er eina
útvarpsstöðin sem hefur þetta lögbundna
hlutverk og því er brýnt að standa vörð
um það. Fjölmiðlar í einkaeigu hafa engum
slíkum skyldum að gegna og geta því
hunsað lýðræðislega umræðu.
Á Alþingi hafa heyrst háværar raddir um
að rétt sé að einkavæða Ríkisútvarpið og
meirihlutavilji þingsins gæti breyst fyrr en
varir. Það þarf ekki að vera breið samstaða
um að selja RÚV en öllum lögum má breyta
sé fyrir því meirihluti á Alþingi. Og það má
segja að sporin hræði vegna þess að hingað
til hafa opinber fyrirtæki, sem breytt hefur
verið í einkafyrirtæki, nær undantekningar-
laust verið seld.
19. Hvernig sérð þú stöðu RÚV á fjölmiðla-
markaðnum eftir fimm ár?
„Hún verður sterk. RÚV mun sinna hlut-
verki sínu enn betur en hægt er núna og
sérstaða RÚV verður enn meiri.“
20. Hvernig sérð þú fjárhagsstöðu RÚV
líta út eftir fimm ár?
„Mun betri en í dag. Og bættur hagur skilar
sér beint í betri dagskrá.“
21. Ert þú sammála þeirri fullyrðingu
að mikill meirihluti landsmanna vilji hafa
RÚV áfram einfaldlega vegna þess hve
staða 365 er orðin sterk á markaðnum
og því vilji fólk að ríkið tryggi jafnvægi á
þessum markaði ljósvaka?
„Nei. Allur þorri landsmanna vill hafa RÚV
vegna þess að RÚV býður upp á þjónustu
sem aðrir gera ekki.“
22. Er ekki erfitt fyrir þig að berjast fyrir
sterku ríkissjónvarpi eftir að hafa barist
svo lengi gegn Ríkisútvarpinu sem for-
stjóri Íslenska útvarpsfélagsins og einn
æðsti stjórnandi þar á bæ til tuttugu ára?
„Nei, enda hef ég aldrei barist gegn til-
vist Ríkisútvarpsins. Þvert á móti hef ég
alltaf verið hlynntur henni. Á sínum tíma
fannst mér fyrirferð Ríkisútvarpsins á
markaðnum vera of mikil, en það hefur
margt breyst á þessum markaði síðan þá
og einkafyrirtækjunum vaxið mjög fiskur
um hrygg.“
23. Telur þú að RÚV sé svo sterkt fyrir-
tæki að það stæðist samkeppnina við
365 miðla á jafnréttisgrundvelli, þ.e., þar
sem ríkið kæmi hvergi nálægt tekjuöflun
og lögbundnum útgjöldum hjá fyrirtækinu?
„Ég treysti mér vel til að reka fjölmiðlafyrir-
tæki í samkeppni á jafnréttisgrundvelli við
365 og hafa betur. Ríkisútvarpinu er hins
vegar ekki ætlað það hlutverk. Þar er eðlis-
munur á.“
24. Keppni tveggja keppinauta á markaði
snýst oftast um vöruþróun og fólk. Verður
mikil þróun í dagskrárgerð hjá RÚV í kjöl-
far þess að það verður að hlutafélagi?
„Dagskrá Ríkisútvarpsins er og verður í
stöðugri endurskoðun og þróun. En hún er
vegin og metin á annan mælikvarða en dag-
skrá annarra og þannig á það líka að vera.“
25. Verður nokkurn tíma breið samstaða
á meðal stjórnmálamanna um að selja
RÚV?
„Ég býst ekki við því. Ég held að um fyrir-
sjáanlega framtíð komist menn að sömu
niðurstöðu hér og annars staðar í Evrópu
- að það beri að reka öflugt útvarp og sjón-
varp í almannaþágu.“
Y F I R H E I R S L A – P Á L L M A G N Ú S S O N
Formaður Hollvinafélags RÚV:
Hlutverki þjóðarútvarps ógnað
Margrét Sverrisdóttir, framkvæmda-
stjóri Frjálslynda flokksins og formaður
Hollvinafélags RÚV.