Frjáls verslun - 01.04.2006, Side 47

F R J Á L S V E R S L U N • 4 . T B L . 2 0 0 6 47
Almennt er það álitin dyggð á Íslandi að vera fljótur að gera hlut-
ina - og þá líka fljótur að taka ákvarðanir. Ein skýringin, sem útlend-
ingar sjá á því hvað íslenskir stjórnendur eru fljótir að ákveða sig,
er að þeir eru ekkert að eyða tíma í umræður og málamiðlanir.
Miðað við vinnuferli í erlendum fyrirtækjum þá sparast heilmikill
tími ef umræðum er að mestu sleppt og ekki er verið að liggja yfir
að leita málamiðlana - heldur bara fylgt íslensku aðferðinni um að
„kýla á það“.
„Mér finnst“-nálgunin
Annar liður í snöggri ákvarðanatöku er það sem mætti kalla „mér
finnst“-nálgunina. Íslendingar treysta fremur á tilfinningu og brjóst-
vit en nákvæman undirbúning. Meðan erlendur stjórnandi leggur
tíma og fyrirhöfn í að kynna sér málið spáir íslenskur stjórnandi í
hvað honum finnist - og er ekki lengi að því.
Þó erlendir starfsmenn kunni almennt að meta hraðann mátti
heyra á ýmsum að þeim fyndist að íslensku stjórnendunum væri
óhætt að gefa meiri gaum að öðru en eigin skoðunum. Almennt
taka útlendingar eftir að Íslendingar hlusti gjarnan á aðra - en eru
eigi að síður fljótir að grípa til „mér finnst“-nálgunarinnar.
Ein klisjan um íslenskt lundarfar er að við höfum skapgerð sauð-
kindarinnar, séum sauðþrá. Það er þó ekki sú mynd sem birtist í
samtölum við útlendinga: þeim finnst Íslendingar viljugir að skipta
um skoðun ef tilefni er til - þeir eru ekkert að bíta sig í vitleysuna.
Sigrún Davíðsdóttir blaðamaður flytur erindi sitt um stjórnunarstíl Íslendinga á aðalfundi Útflutningsráðs.