Frjáls verslun - 01.04.2006, Qupperneq 66

66 F R J Á L S V E R S L U N • 4 . T B L . 2 0 0 6
Þór Sigfússon, framkvæmdastjóri Sjóvár, stjórnaði hring-
borðsumræðum með forsætisráðherra. Hann taldi framlag
íslenskra frumkvöðla í viðskipta- og fjármálageiranum hafa
skipt miklu máli í þeirri uppbyggingu sem átt hefði sér stað
undanfarin ár.
Þór sagði það einnig mikilvægt að koma erlendum fjár-
festum og fjölmiðlum í skilning um hvers
vegna Íslendingar hefðu svo mikið sjálfs-
traust, verandi aðeins 300 þúsund á eyju í
Norðurhöfum.
,,Ég man þegar við fórum mörg úr við-
skipta- og fjármálageiranum ásamt forseta
Íslands til Kína á mjög stóra viðskiptaráð-
stefnu og Kínverjarnir fóru að spyrja okkur
út í mannfjöldann á Íslandi, þá svöruðum
við yfirleitt: ,,Eitthvað undir milljón.“ Það
hljómaði einfaldlega aðeins betur. Stað-
reyndin er þó sú að mannfjöldinn skiptir
ekki öllu máli heldur hugarfarið,“ bætti
hann við.
Þór benti líka á að Íslendingar væru að koma sterkir inn
í mörgum Evrópulöndum þar sem t.d.skortur væri á frum-
kvöðlum. ,,Íslenskir fjárfestar uppgötvuðu að víða í Evrópu
væri samkeppnin ekki eins mikil og þeir hugðu og þeir fundu
sér leið.“
Þór, Halldór og fleiri ráðstefnugestir lögðu áherslu á mik-
ilvægi þess að leggja rækt við og efla atvinnugreinar eins og
banka- og ferðaþjónustu, orku- og lyfjaframleiðslu, líftækni-
og hugbúnaðargeirann, sem auka fjölbreytnina í íslensku
atvinnulífi - og þar með líkurnar á jafnvægi í hagkerfinu.
Atkvæðagreiðsla um ESB
Vilhjálmur Egilsson, framkvæmdastjóri Samtaka atvinnulífs-
ins, spurði forsætisráðherra út í fjölbreytileika atvinnulífsins
með þessum orðum:
,Hugtakið þekkingarþjóðfélag er oft notað eins og það sé
eins og andstæða við uppbyggingu í ál- og orkuiðnaði. Ég
undrast oft þessa orðræðu þar sem tækni- og verkfræðikunn-
átta er nauðsynleg í iðnaði, en af umræðunni mætti reyndar
stundum ráða að í fyrirtækjunum í þeim geira starfi eintómir
fábjánar. Ég tel að þessar mótsagnir væru ekki eins gegnum-
gangandi ef dregið yrði úr pólitískum afskiptum og ákvörð-
unum um fjárfestingar í orkuiðnaði og hann einkavæddur.
Ertu sammála þessari greiningu?“
Halldór svaraði því til að í framtíðinni sæi hann fyrir sér
að sjóðir fjárfestu frekar í orkuiðnaði, en að ekki væru uppi
neinar áætlanir um að ríkið seldi sinn hlut í Landsvirkjun nú.
,,Það hefur verið opnað fyrir það í lögum landsins að ný
fyrirtæki komi inn í orkuiðnaðinn og að samkeppni verði
aukin, sem er gott mál,“ sagði Halldór.
Forsætisráðherra var einnig jákvæður í svari til Þórs
Sigfússonar sem spurði hvort til greina kæmi að opna fyrir
fjárfestingar útlendinga í sjávarútvegi. ,,Ef þú hefðir spurt
mig fyrir tíu árum hefði ég verið annarrar skoðunar og talið
það áhættusamt fyrir Íslendinga. En núna tel ég rétt að endur-
skoða lög sem koma í veg fyrir slíkar fjárfestingar.“
Í kjölfar fyrirspurnar frá erlendum gesti um Ísland og Evr-
ópusambandið bað Pacek ráðstefnustjóri þá fundargesti sem
fylgjandi væru inngöngu í Evrópu-
sambandið um að lyfta upp hendi.
Þessi óformlega atkvæðagreiðsla
virtist koma flatt upp á gesti og sáust
ekki margar hendur á lofti, ef til vill
um fimmtungur. Það sama gilti um
atkvæðagreiðsluna sem fylgdi í kjöl-
farið þegar hann spurði um upptöku
evrunnar, en svo virtist sem hún ætti
heldur ekki miklu fylgi að fagna hjá
fundargestum.
Hvort niðurstaða þessarara
óvæntu skoðanakannana á fundinum
um aðild að Evrópusambandinu og
um upptöku evrunnar sé lýsandi fyrir afstöðu forkólfa við-
skipta- og stjórnmálalífsins til þessara mála skal ósagt látið.
En niðurstaðan kom mér vissulega á óvart þar ég hefði búist
við að fleiri væru fylgjandi.
Sjálfsagt hafa margir gesta kosið að sitja hjá í atkvæða-
greiðslunni og því ekki rétt upp hönd. Forsætisráðherra
þræddi líka milliveginn og sagði að aðild hefði bæði kosti
og galla. Hann gæti á þessari stundu ekki gefið einfalt svar
við spurningunni um aðild að Evrópusambandinu. Það væri
spurning sem svara þyrfti í framtíðinni og ekkert væri úti-
lokað í þeim efnum.
Glíman við verðbólgudrauginn
Þórður Friðjónsson, forstjóri Kauphallar Íslands, sagði að ef
við værum raunsæ þá væri ljóst að Íslendingar myndu alltaf
þurfa að glíma við meiri verðbólgu upp að vissu marki en
önnur lönd vegna smæðar hagkerfisins, sjálfstæðs gjaldmið-
ils og stórra framkvæmda.
Þórður beindi þeirri spurningu til Halldórs hvernig hins
vegar hægt væri að hafa betri stjórn á verðbólgunni án þess
að stjórnunin kæmi niður á vexti viðskiptalífsins.
,,Það er alltaf hætta á verðbólgu þegar vöxtur er mikill og
hraður og það er það sem við höfum verið að upplifa. Það er
ekkert einfalt svar til um hvernig best sé að leysa þetta mál,
en jafn og stígandi vöxtur er vissulega það sem við sækjumst
eftir,“ sagði Halldór og bætti við. „Í framtíðinni myndi ég vilja
sjá 2-4% hagvöxt á hverju ári.“
Pacek spurði forsætisráðherra í kjölfarið hvað honum
fyndist um þá tillögu Frederic S. Mishkin og Tryggva Þórs
Herbertssonar, sem kom fram í skýrslu þeirra fyrir Viðskipta-
ráð Íslands, að taka húsnæðiskostnað út úr neysluvísitölunni
og mæla hann frekar með sérstökum aðferðum sem t.d.
R Á Ð S T E F N A T H E E C O N O M I S T
,,Ef þú hefðir spurt mig fyrir
tíu árum hefði ég talið það
áhættusamt fyrir Íslendinga að
opna fyrir fjárfestingar útlend-
inga í sjávarútvegi. En núna tel
ég rétt að endurskoða lög sem
koma í veg fyrir slíkar fjárfest-
ingar,“ sagði Halldór Ásgríms-
son forsætisráðherra.