Frjáls verslun - 01.04.2006, Side 129

F R J Á L S V E R S L U N • 4 . T B L . 2 0 0 6 129
Karl Jóhann Jóhannsson er nýráðinn aðstoðar-fram kvæmda stjóri
Flügger á Íslandi. Um starf
sitt segir Karl að það felist í
almennri stjórnun á fyrirtæk-
inu, fjármálastjórn, umsjón
með starfs manna mál um,
stefnumótun og markaðs-
málum. Stefnumótunin og
markaðsmálin eru unnin í
nánu samstarfi við aðalstöðv-
arnar í Danmörku, en Flügger er
með yfir 520 verslanir um allan
heim. Áður starfaði Karl hjá
Opnum kerfum þar sem hann
var ráðgjafi á sviði stefnumót-
unar, gæðamála og viðskipta-
tengsla. Þá hefur Karl verið
kennari í viðskiptadeild Háskól-
ans á Bifröst samhliða vinnu og
er leiðbeinandi í BS lokaverk-
efnum í viðskiptadeild.
Það hefur verið mikið að
gera hjá Karli að undanförnu:
„Ég hef verið að setja mig inn
í rekstur Flüggers, sem er viða-
mikill og í mörg horn að líta.
Fjármálastjóri fyrirtækisins
er nú að hætta eftir 17 ára
starf og ég mun einnig taka við
verkefnum hans, sem eru ansi
margbreytileg, fyrir utan aðra
stjórnun hjá fyrirtækinu.“
Eiginkona Karls er Guð-
björg Kr. Ingvarsdóttir skart-
gripahönnuður sem rekur fyr-
irtækið Aurum í Bankastræti.
„Við hjónum stofnuðum fyrir-
tækið árið 1999 og hefur Guð-
björg rekið það frá upphafi.
Ég hef komið nálægt rekstr-
inum með mína þekkingu á
viðskiptum.“ Guðbjörg og Karl
eiga tvær ungar dætur, átta og
þriggja ára.
Þegar kemur að áhuga-
málum þá er laxveiði ofarlega
á blaði: „Fyrir utan að njóta
þess að vera með fjölskyldunni
þá er laxveiði stærsta áhuga-
málið og ég verð að komast í
nokkrar laxveiðiferðir á hverju
ári til að geta sinnt þörfinni.
Það má segja að ég hafi alist
upp í laxveiði þar sem faðir
minn var mikill laxveiðimaður
og var farið í margar veiðiferðir
á mínum yngri árum. Einu sinni
á ári fer ég með fjölskyldunni í
veiði í laxveiðiá í Dölunum, en
þangað fór ég með foreldrum
mínum frá tveggja ára aldri.
Í þessari ferð er aðalatriðið
að borða góðan mat og leyfa
krökkunum að veiða. Ég og
Guðbjörg förum síðan með
öðrum hjónum í minnst eina
veiðiferð á sumri og svo er það
„strákaferðin“ þar sem ég er
í góðra vina hópi við veiði og
aðra skemmtun. Ég fór í sjö
eða átta laxveiðitúra í fyrra,
en á von á því að þeir verði
færri í sumar. Við hjónin höfum
gaman að fara á skíði, Guð-
björg keppti áður á skíðum og
kenndi og er stefnan að við
förum til Austurríkis í janúar
með vinahópi úr Round table
1, en það er klúbbur sem ég hef
verið meðlimur í sl. 6 ár. Á vet-
urna er ég með tveimur vinum
mínum í veggtennis.“
Síðasta frí sem Karl og Guð-
björg fóru í var til London í
mars: „Við gistum á frábæru
„hóteli“ í Notting Hill með
þremur öðrum pörum. Húsið
er í eigu Martin Miller, sem er
þekktur fyrir Miller’s gin og lík-
ist meira heimili heldur en hót-
eli. Óhætt er að segja að mjög
sérstakt var að dvelja þarna.
Þetta er stórt hús og leigir
Miller herbergi út og býr einnig
sjálfur í húsinu. Eitt skiptið
var hann með viðskiptafund í
stofunni þegar við félagarnir
sátum í næsta sófa, slöppuðum
af og drukkum Miller’s gin.
Markmiðið með ferðinni var að
slappa vel af og borða góðan
mat á góðum veitingastöðum
og heppnaðist það í alla staði
frábærlega vel.
Í ágúst ætlum við að fara til
Spánar. Þar eigum við raðhús,
sem við reynum að komast í
þegar tækifæri gefst. Þá eigum
við sumarbústaðarlóð í Gríms-
nesinu (1 hektara), höfum átt
hana í fimm ár og erum ekki
enn byrjuð að byggja. Og þar
sem ég sé ekki fram á að ég
byrji nokkurn tímann þá er svo
komið að ég ætla að flytja inn
sumarbústað sem verður settur
upp fyrir okkur. Ekki það að við
séum sumarbústaðalaus. Með
fjölskyldu Guðbjargar eigum
við sumarbústað á Snæfjalla-
strönd sem er algjör paradís á
sumrin.“
Nafn: Karl Jóhann Jóhannsson.
Fæðingarstaður: Ólafsvík, 14. 6. 1967.
Foreldrar: Ingibjörg Gunnlaugsdóttir
húsmóðir og Jóhann Jónsson kaup-
maður (látinn).
Maki: Guðbjörg Kr. Ingvarsdóttir.
Börn: Ásgerður Diljá, 8 ára,
og Karlotta Kara, 3 ára.
Menntun: MBA og M.Sc. (sérsvið:
skipulagning og stjórnun fyrirtækja).
FÓLK
Karl Jóhann Jóhannsson: „Það má segja að ég hafi alist upp í laxveiði þar sem faðir
minn var mikill laxveiðimaður og var farið í margar veiðiferðir á mínum yngri árum.“
aðstoðarframkvæmdastjóri
Flügger á Íslandi
KARL JÓHANN
JÓHANNSSON