Tímarit Máls og menningar - 01.09.1965, Side 30

Tímarit Máls og menningar
fangnar. Þetta gat Ciccotto sem var hálfgerður krypplingur, en ég vissi að
það var ekki annað en bíða.
En svo kvongaðist Ciccotto. Og hann lét mig ekki einu sinni vita af því.
Það var systir mín sem sagði mér það. Tóbaksseljan hafði gert hann alveg
óðan, og eina ráðið til að komast inn til hennar, var að ganga að eiga hana.
Hann sagði mér aldrei neitt um líf þeirra, nema að hún væri afbrýðissöm, að
hún væri falleg og feit, hvort mér litist ekki vel á hana. Ef þú vilt halda hlut
þínum gagnvart konu, sagði hann, — skaltu ekki láta hana ná yfirhöndinni.
Þau höfðu gift sig hálfvegis í leyni, af því að hún var ekkja og klifaði á því
við hann, að ef hún gifti sig, mundi hún tapa viðskiptavinum sínum. Ekki
var þó fyrr búið að gefa þau saman en hún setti hann við búðarborðið. Þá
hló ég að Ciccotto einsog allir aðrir hlógu að honum, og loks fór svo, að
okkur varð sundurorða, og síðan höfum við einungis sézt þegar ég hef átt
leið um torgið. En nú kemur það fyrir. suma sunnudaga, að ég öfunda hann.
Jón Óskar íslenzkaði.
140