Tímarit Máls og menningar - 01.05.1982, Side 74

Tímarit Máls og menningar
til háðungar. Gúðmúnsen vill auka söluna með því að auka virðingu
saltfisksins, binda á hann slaufu, „alþjóðlega frægðarslaufu“ (sbr.
257). Garðari Hólm er líka ætlað að sjá um þessa vörufagurfræði-
legu hlið málsins.
Georg Hansson á trúlega ekki mikinn þátt í þessum fyrirætlunum
Það kemur fram í bókinni að hann hefur barnungur sungið við
smærri jarðarfarir hjá séra Jóhanni og lært af honum að „það er til
einn tónn — og hann er hreinn“ (120). Ef til vill dreymir Georg
þennan tón á meðan hann öskrar útilegumanna- og tröllakvæði í
kapp við drykkjumenn í Búðinni og fyrir slátrara í Danmörku.
Kannski vonar hann að þessi draumur hans rætist, læri hann söng á
vegum Gúðmúnsens. Hvort heldur ástæður hans eru þessar eða
aðrar virðist hann breytast mjög á þeim tímum sem nú fara í hönd í
lífi hans. Hann vill og ætlar að læra að syngja og sú ákvörðun hans
er ástríðufull og óhagganleg. Þetta er annar maður en hinn ístöðu-
lausi nemandi í Latínuskólanum forðum.
Garðar Hólm segir Alfgrími næsta hluta ævisögu sinnar þegar
þeir sitja saman eitt kvöld á leiði Gabríels höfuðengils. Hann segir
óbeint frá þessum kafla ævi sinnar, talar í framtíð og setur Alfgrím í
sitt hlutverk. Saga hans er bæði forspá um það sem gæti orðið ferill
Alfgríms og viðvörun til hans.
Af hinni óbeinu og stundum nokkuð torræðu frásögn Garðars má
ráða að Gúðmúnsen hafi kostað hann í söngskóla í framhaldi af
meðmælum hinna dönsku vina sinna. En Gúðmúnsen er fáfróður
nirfill og smásál í raun — hversu mjög sem hann langar til að líta út
fyrir að vera eitthvað annað. Þrátt fyrir fögur fyrirheit verður Georg
að draga fram lífið erlendis af því að . . .
Á aungu kvikindi í samanlögðu sköpunarverkinu er jafndjúpt og
tékknum af Islandi. Það er ekki af því Gúðmúnsensbúð sé vond búð.
En hún er ekki beint saungbúð. (226)
Söngnám hans virðist lítið verða annað en vonin ein og bók með
raddmyndunaræfingum (sbr. 270). Sagan sem Garðar segir Alfgrími
af söngferðalaginu til Vesturheims gæti verið saga af hans eigin
reynslu og hún er dæmisaga um leið. En á meðan örvænting Georgs
magnast í útlöndum og sjálfsblekkingar hans verða.æ haldminni —
fer annarri sögu fram á Islandi.
192