Tímarit Máls og menningar - 01.11.1982, Side 61

Maria Wine
Ég er kona og kembi hár mitt
Ég er kona og kembi hár mitt að hætti kvenna
ég kembi það sökum ástar á sjálfri mér
ég kembi það sökum ástar á ástinni
ég kembi það sökum ástar á ástmanni mínum
og hárið snarkar og slær gneistum af gleði
vex og þykknar undir draumum næturinnar
hár mitt hnígur eins og verndandi kápa
yfir blindan hnakka minn skemmdan af skotum
En nú hefur tíminn tekið að kemba hár mitt
að hætti allra tíma
tíminn hefur ekki tíma fyrir neina drauma
tillitslaust strýkur hann hár mitt
hann kembir það röndótt og flekkótt
hann kembir það toppótt og gisið
hann kembir það saurgult og bleikt
hann kembir það grátt með skvettum af silfri
og fyrr en mig varir
mun tíminn kemba það aftur
kreista það saman í snjóbolta í hnakkanum
ég verð að prjóna verndandi kápu
að skýla blindum hnakka mínum skemmdum af skotum.
Thor Vilhjálmsson sneri úr sænsku.
Maria Wine var fædd í Danmörku og alin upp á munaðarleysingjahæli þar; en yrkir
á sænsku og er eitt fremstu ljóðskálda þar í landi, sérstæð og ofurnæm, sem kemur
ekki síst fram í prósaljóðum hennar. Meðal bóka hennar er Man har skutt ett lejon,
byggð á endurminningum hennar. Hún og Artur Lundkvist eru hjón, hafa ferðast
um víða veröld en búa í Stokkhólmi. Þýd.
555