Tímarit Máls og menningar - 01.11.1989, Page 71

Þrír dagurlagatextar
og það er takmarkalaust tilgangsleysið
en það tekur ekki að nefna það lífið það er ekki svo beysið
svo allir þrá hann
því ekki vita þeir neitt af honum þegar þeir fá hann
sjóðirnir hafa rýrnað því réttlætið sefur
og reksturinn verður látlaus fógetagerð
allt sem þú átt er bara refur og aftur refur
en þó refur sért þá kemurðu honum aldrei í verð
og það er aðeins ein leið - ein leið út
þegar allt er svona kalt og dapurt og svart
þú getur dreymt þig burt frá sorg og sút
svefn er allt sem þú þarft
STYRJALDARMINNI
þeir héldu dálitla heimsstyrjöld um daginn
fyrir hálfri öld síðan
það var sumarauki í september þrjátíuogníu
og sólin og blíðan
hve ég vildi ég hefði verið uppi á þeim dögum
til að votta hvað skeði
og hefði þá getað horft á dýrðina sjálfur
og haft af því gleði
og allt sem ég hef get ég þakkað þessari styrjöld
sem þurrkaði út borgir
og kostaði fimmtíu milljónir manna lífið
og mállausar sorgir
já öll þessi grimmd hún gat af sér velsæld mína
og góðærið mesta
en mér er samt þungt um mál á þessari stundu
því ég missti af því besta
469