Tímarit Máls og menningar - 01.06.1997, Blaðsíða 71

ÞEGAR RAFMAGNIÐ FÓR AF
reyndi ég að muna hvenær mér hefði síðast fundist eitthvað og hvenær
ég hefði verið í skapi. En það eina sem kom upp í hugann var atriðið
úr Schindlers List þegar nasistaforinginn stendur á svölunum heima
hjá sér og skýtur niður gyðinga. Ég velti fyrir mér hvernig skapi ég væri
í en gat ekki ákveðið það og fór þá að hugsa um hvað væri rétt skap.
Ég reyndi að ákveða hvað væri besta minning mín en það eina sem
kom upp í hugann var nasistaforinginn á svölunum. Og ég spurði
sjálfa mig hvort kvikmyndasjóður myndi nokkurntíma styrkja hand-
rit sem væri um líf mitt. En komst ekki að niðurstöðu.
Ég reyndi að muna hvenær ég hefði beðið síðast og þegar mér datt
í hug að biðja mundi ég ekki nema hálft faðirvorið og þá rifjaðist upp
fyrir mér að útvarpsmaðurinn hafði sagt að Kurt Cobain hefði skotið
sig í hausinn um nóttina. Og þá fékk ég „Polly“ laglínuna á heilann
þótt ég myndi bara eina setningu úr textanum. „Polly wants a cracker.“
Og þegar ég sagði við sjálfa mig í hundraðasta skiptið að Polly langaði
í kex rifjaðist upp fyrir mér þegar ég var lítil og horfði á hundinn minn
lenda fyrir bíl. Og spáði í hvort það þegar pabbi huggaði mig á eftir
væri kannski besta minning mín.
Og þá velti ég fyrir mér hvað væri erfiðasta ákvörðun sem hægt væri
að taka og tókst þá loksins að komast að niðurstöðu. Og hún var sú
að það hlyti að vera það að þurfa að velja á milli þess að bjarga
annaðhvort lífi pabba síns eða mömmu. En ég gat samt ekki ákveðið
hvort ég myndi velja og fljótlega var ég aftur byrjuð að hugsa um
nasistaforingjann á svölunum sem skaut niður gyðingana og ég sá
hann taka upp riffillinn og leggja hann að öxlinni og taka í gikkinn og
skjóta niður gamla konu og ég sá hann hlaða aftur og í kíkinum ofan
á rifflinum sá ég að miðið var á manni sem stumraði yfir henni og ég
sá hann taka í gikkinn og ég sá gamla manninn falla í jörðina og ég sá
nasistaforingjann miða á ungan strák og þegar hann var að fara að
taka í gikkinn gekk stelpa framhjá glerdyrunum. Hún minnti mig á
Courtney Love. Held ég.
5.
Ég var í frjálsu falli þegar ég heyrði að Kurt Cobain hefði skotið sig í
hausinn. Og ég man að ég var hissa á að heyra að Kurt hefði búið í
TMM 1997:2
69