Ritið : tímarit Hugvísindastofnunar - 01.01.2013, Qupperneq 201

201
legri skilyrðingu. Þó er ekki að sjá að karlheimspekingar í þeim geira séu
endilega opnari fyrir femínískri heimspeki en kynbræður þeirra í rökgrein-
ingarheimspeki þótt vitaskuld megi finna undantekningar frá því í báðum
hópum. Ofangreind tilraun til skýringar er því greinilega ekki tæmandi.
Fordómar
Ef markmiðið er að fjölga konum í heimspeki hlýtur að vera nauðsynlegt
að vera vakandi fyrir öllum mögulegum ástæðum fyrir fjarveru kvenna
og þá meðal annars fyrir karlrembu sem þar gæti þrifist og þá að reyna
að bregðast við ef svo reynist. Á vefsíðunni What is it like to be a woman in
philosophy?31 er að finna fjöldann allan af reynslusögum kvenna úr heim-
spekisamfélaginu. Þar kennir ýmissa grasa en meðal annars eru þar fleiri
frásagnir en nokkurn hefði grunað af hlutum eins og kynferðislegri áreitni
og af karlheimspekingum sem hafa sagt nokkurn veginn hreint út að þeir
telji konur ekki eiga erindi í heimspeki eða sýnt kvenkyns nemendum eða
vinnufélögum forkastanlega framkomu. Í bókinni Singing in the Fire eru
frásagnir kvenna sem voru að fóta sig í heimspeki fyrir nokkrum áratugum.
Ýmislegt sem þær hafa að segja um reynslu sína og þá fordóma sem þær
fengu að kenna á virðist sem betur fer á undanhaldi þótt ýmis dæmi af
ofangreindri vefsíðu gefi til kynna að það sé kannski lengra í land en flestir
myndu gera sér vonir um.32 Bein og gróf kynjamismunun er sannarlega til,
og hefur verið til, meðal heimspekinga. Erfitt er þó, og kannski ómögu-
legt, að segja til um hvort hún er meiri í heimspeki en annars staðar.
Kynjafordómar hafa einkennt samfélagið allt og eru síður en svo
bundnir einungis við afmarkaða hópa eins og samfélag heimspekinga. Þótt
fordómar séu til staðar í samfélaginu almennt skýrir það ekki að konur
sæki síður í heimspeki en í ýmsar aðrar greinar. En fordómar í samfélaginu
geta verið einn þeirra þátta sem hafa áhrif á konur sem hugleiða heim-
spekiiðkun. Þannig er mögulegt að á sviðum sem eru að öðru leyti vin-
samleg konum gangi betur að hamla því að fordómarnir nái yfirhöndinni,
eða þá að fordómarnir einir og sér dugi (sem betur fer) ekki til að fæla
konurnar frá.
Opinskáa fordóma er yfirleitt tiltölulega einfalt að koma auga á, benda
á og bregðast við. Hins vegar getur verið mun erfiðara að eiga við dulda
fordóma. Einstaklingar sem telja sig mjög jafnréttissinnaða og myndu
31 http://beingawomaninphilosophy.wordpress.com.
32 Singing in the Fire, ritstj. Linda Martín Alcoff.
ER HEIMSPEKIN KVENFJANDSAMLEG?