Ritið : tímarit Hugvísindastofnunar - 01.10.2011, Blaðsíða 161

161
sér að hann hafi náð að koma sínum sannleika á framfæri í hverjum þætti
Sigtisins þó að í raun sé hann sjálfur afhjúpaður, eins og verður rakið nánar
hér á eftir.30 Skilaboðin um persónuleika Frímanns sjálfs verða þannig að
undirtexta sem leitar sífellt upp á yfirborðið.
Ósagðar sögur og freudískir undirtextar
Þátturinn „Í skugga trúðsins“ er gott dæmi um það hvernig Sigtið snýst um
hið ósagða en sá þáttur er ágætis tilbrigði við umræðu um flókin sálfræði-
leg vensl feðra og sona sem hafa verið áberandi í bæði sálfræði og félags-
fræði 20. og 21. aldar. Fjallað er um Karl Þórhallsson leigubíl sstjóra og
skemmtikraft sem kom fram undir nafninu trúðurinn Kralli og skemmti
íslenskum börnum og almenningi. Hann er greinilega sjálfur látinn þó að
það sé aldrei beinlínis tekið fram þannig að saga hans er sögð með við-
tölum við þrjá syni hans. Í upphafi er Kralli (leikinn af Halldóri Gylfasyni)
kynntur með svarthvítum myndum og úrklippum sem gætu sem best verið
úr safni Sjónvarpsins og leynir sér ekki að blómaskeið hans var á dögum
hins svarthvíta sjónvarps (ef til vill í Stundinni okkar). Sagt er frá met-
söluhljómplötum hans og skemmtunum um land allt (en skemmtikraftar
þess tíma gáfu einmitt gjarnan út vinsælar hljómplötur, svo sem Ómar
Ragnarsson og Laddi) og leikin eru brot af plötunum.31 Síðan eru sýnd-
30 Þessa tvöfeldni vantar í seinni syrpuna þar sem Frímann er persóna en ekki „höf-
undur“. Velta má fyrir sér hvort hér reyni svolítið á trúverðugleika formsins og
þetta skýri þannig hvers vegna það var ekki notað áfram í seinni syrpunni (þar sem
Frímann verður sér raunar mun rækilegar til skammar hvað eftir annað). Aldrei
er þetta greinilegra en í þættinum „Líf og stíll“ (sem er seinasti eiginlegi þáttur
fyrri syrpunnar) en þar mætir Frímann í kvöldverðarboð uppfullur af snobbi fyrir
stílistunum Finni og Sigurjóni en gerir allt rangt og verður sér svo til skammar að
honum er eiginlega vísað burt (Sigtið i, 7, 11:13–17:14). Þó að Frímann sé greini-
lega haldinn afneitun og sjálfsblekkingu á háu stigi má draga í efa að hann hefði
gengið svona frá þættinum til sýninga og allt þetta atriði fellur betur að frásagn-
arhætti seinni syrpunnar en þeirrar fyrri (það kallast til að mynda vel á við mjög
vandræðalegt matarboð í þættinum „Sambandinu“ þar sem Frímanni lendir saman
við „tískumógulinn“ Daða Hafliðason sem er leikinn af Friðriki Friðrikssyni). Hér
þarf áhorfandinn eins og gjarnan að taka verkið gilt og hengja vantrúna á snaga
(e. willing suspension of disbelief).
31 Sigtið i, 3, 0:49–1:42. Tónlist Kralla er sérstaklega samin fyrir persónuna af Þor-
keli Heiðarssyni en sungin af Halldóri Gylfasyni (en þeir hafa um árabil unnið
saman í hljómsveitinni Geirfuglunum) og má þar nefna lag um býflugu sem líta
má á sem eins konar tilbrigði við hið vinsæla dægurlag Litlu fluguna eftir Sigfús
Halldórsson.
ALLUR RAUNVERULEiKi ER FRAMLEiDDUR