Peningamál - 01.07.2006, Blaðsíða 46
ÞRÓUN OG HORFUR
Í EFNAHAGS- OG PENINGAMÁLUM
P
E
N
I
N
G
A
M
Á
L
2
0
0
6
•
2
46
Framsetning verðbólguspár er með öðru sniði í þessu hefti
Peningamála en verið hefur. Nánar er fjallað um breytta framsetningu
þjóðhags- og verðbólguspár í rammagrein VIII-3 á bls. 51-53. Birtir eru
þrír verðbólguferlar. Svokölluð grunnspá byggist á væntingum mark-
aðs- og greiningaraðila um þróun stýrivaxta á næstu tveimur árum
(sjá mynd III-7). Þá eru birtar tvær fráviksspár til hliðsjónar. Sú fyrri
byggist á óbreyttum stýrivöxtum út spátímabilið, líkt og meginspáin
hefur gert til þessa. Í þeirri síðari eru vextir fengnir með einfaldri pen-
ingastefnureglu sem miðar að því að verðbólgumarkmið bankans
M
V
Eftirfarandi tafl a sýnir efnahagsspár sérfræðinga á fjármálamarkaði
sem gerðar voru um miðjan júní sl. Að venju voru þátttakendur í
könnuninni greiningardeildir Glitnis hf., KB banka hf., Landsbanka
Íslands hf. og Ráðgjöf og efnahagsspár ehf.
Auk þeirra upplýsinga sem fram koma í töfl unni var spurt um
nánara álit á vaxtaferli Seðlabankans þ.e. hvenær og við hvaða gildi
hámarki og lágmarki stýrivaxta yrði náð innan spátímabilsins og
hver yrði næsta ákvörðun stýrivaxta hinn 6. júlí nk.
Helstu breytingar frá spá sömu aðila í mars sl. eru að þeir gera
nú ráð fyrir minni hagvexti á spátímabilinu, einkum á næsta ári, mun
meiri verðbólgu bæði í ár og á næsta ári, eilitlu hærri stýrivöxtum og
lægra gengi krónunnar á spátímabilinu.
Sérfræðingar spá mun meiri verðbólgu á spátímabilinu
Sérfræðingarnir spá því að verðbólga milli ársmeðaltala 2005 og
2006 verði um 7% sem er töluvert meiri verðbólga en þeir spáðu í
mars. Grunnspá Seðlabankans, sem að þessu sinni byggist á vænt-
ingum sérfræðinganna um stýrivaxtaþróun næstu ára og geng-
isferli sem fæst úr þjóðhagslíkani Seðlabankans miðað við þann
vaxtaferil, spáir um 8% verðbólgu fyrir árið 2006. Þegar litið er til
ársins 2007 eykst munurinn á milli spár sérfræðinganna og grunnsp-
árinnar. Svarendur búast við tæplega 6% verðbólgu en samkvæmt
grunnspá Seðlabankans verður verðbólga þá töluvert meiri, eða
tæplega 10%. Tvö ár fram í tímann gera sérfræðingarnir einnig ráð
fyrir nokkru minni verðbólgu en felst í grunnspá bankans. Þeir spá
að meðaltali rúmlega 3% verðbólgu en bankinn hins vegar tæplega
7% verðbólgu. Fráviksspá bankans með peningastefnureglu gerir
hins vegar ráð fyrir um 5½% verðbólgu eftir tvö ár.
Hagvaxtarhorfur hafa breyst fyrir árið 2007
Hagvaxtarspá sérfræðinganna fyrir árið 2006 er svipuð þeirri sem
gerð var í mars. Hins vegar hefur spá þeirra fyrir árið 2007 lækkað.
Sérfræðingarnir eru nokkuð sammála um hagvaxtarhorfur en einn
svarenda telur þó að það verði samdráttur á næsta ári. Að meðaltali
búast spámenn við 4½% hagvexti í ár og 1% á næsta ári sem er
svipað og í grunnspá Seðlabankans.
Sérfræðingar spá frekari lækkun á gengi krónunnar ...
Sýn svarenda á þróun gengisvísitölu erlendra gjaldmiðla hefur
aðeins breyst frá síðustu spá, einkum fyrir árið 2006. Gengi
krónunnar hefur haldið áfram að veikjast á undanförnum mánuðum
og reikna þeir nú með veikari krónu í samræmi við það. Spá þeir
130 stiga gengisvísitölu eftir tólf mánuði en að gengið verði heldur
sterkara ári síðar. Sérfræðingarnir eru reyndar nokkuð ósammála um
gengisþróunina - einkum þegar litið er til ársins 2007.
Rammagrein VIII-2
Könnun á mati
sérfræðinga á
fjármálamarkaði
á horfum í
efnahagsmálum