Skírnir - 01.01.1980, Side 183

SKÍRNIR
BRÉF TIL SKÍRNIS
181
menningarlífi á íslandi upp úr þeim niðurlægingarpytti, sem það er nú f að
vissu marki. Með eflingu húmanisma kynni að renna upp nýtt blómaskeið
fslenzkrar menningar.
Vill því undirritaður eindregið hvetja forráðamenn Hins íslenzka bók-
menntafjelags til sóknar í útgáfu Lærdómsrita Bókmenntafjelagsins, er til
var stofnað með útgáfu Afstæðiskenningarinnar, eftir Albert Einstein. Hefur
hlutur fornaldar og miðalda verið helzt til bágur í útgáfu Lærdómsritanna,
án þess þó að nokkurri rýrð sé kastað á vel unnið starf ritstjóra Lærdóms-
ritanna, Þorsteins Gylfasonar, heimspekings, er unnið hefur manna mest, að
öðrum ólöstuðum, að andlegri útvíkkun sjóndeildarhrings íslendinga á sfð-
ustu árum.
Verður hér að lokum borin fram sú fróma ósk, að öndvegisrit höfunda
fornaldar og miðalda fái meira rúm í væntanlega efldri útgáfu Lærdómsrita
Bókmenntafjelagsins á komandi árum.
Selfossi 11. júnf 1980
Óskar Helgi Helgason
Þorsteinn Gylfason svarar: Ég þakka Óskari Helga Helgasyni fyrir hlý orð
í garð Lærdómsritanna. Ég harma það ekki síður en hann að á síðustu þrem-
ur árum skuli ekki hafa meira áunnizt en útgáfa einnar nýrrar bókar
(Gorgíasar Platóns) og endurútgáfa þriggja eldri bóka (Afstœðiskenningar-
innar, Frelsisins og Menntar og máttar). Þess vegna þykir mér gott að geta
glatt hann með því að á þessum vetri — 1980—1981 — er nýrra Lærdómsrita
að vænta. Og víst vildi ég geta brugðizt vel við þeirri ósk Óskars að auka
hlut höfunda fornaldar og miðalda í safninu; sé ég þann hæng einan á því
að þeir eru mun færri sem þýtt geta úr grísku og latfnu en hinir sem hafa
nýmálin á valdi sínu auk móðurmálsins.