Ritröð Guðfræðistofnunar - 01.01.2012, Qupperneq 29

þolanda og fund þar sem þolandi og meintur gerandi voru leiddir saman.“
Auk þess gagnrýndi nefndin skort á sálgæslu fyrir þolendur og fjölskyldur
þeirra, sem og skort „á þekkingu á eðli og afleiðingum kynferðisofbeldis
og ákjósanlegu vinnulagi þegar ásakanir um það komu fram“.41 Þrátt fyrir
umtalsverðar umbætur á starfsháttum við meðferð kynferðisbrotamála innan
kirkjunnar frá þeim tíma er ásakanir gegn Ólafi Skúlasyni voru til meðferðar
innan kirkjunnar árið 1996, taldi rannsóknarnefndin enn vera töluvert í
land þar til „hægt er að segja að kirkjan sé vel í stakk búin til að takast á við
kynferðisofbeldi innan vébanda sinna.“42 Lagði nefndin áherslu á að kirkjan
tileinkaði sér „fyrirmyndarviðbrögð við kynferðisofbeldi“. Nefndin gerði grein
fyrir helstu þáttum slíkra viðbragða og setti fram tillögur um úrbætur í niður-
lagi skýrslunnar. Rétt er að benda á að þegar á Kirkjuþingi haustið 2010 höfðu
verið gerðar veigamiklar breytingar á starfsreglum kirkjunnar að frumkvæði
fagráðs, sem rannsóknarnefndin lætur hjá líða að taka tillit til í skýrslu sinni.
Tillögur rannsóknarnefndar um úrbætur varða eftirfarandi atriði:
1. Þróun verklagsreglna um hvernig eigi að fylgja eftir stefnumótun um
meðferð kynferðisbrota.
2. Þróun verklagsreglna um bakgrunnsathugun sem taki til umsækjanda
um starf hjá þjóðkirkjunni.
3. Fræðsla um eðli og afleiðingar kynferðisbrota og þjálfun um æskileg
viðbrögð þegar greint er frá kynferðisbroti.
4. Samstarf fagráðs um meðferð kynferðisbrota við biskup og kirkjuyfir-
völd.43
Á aukakirkjuþingi sem haldið var í framhaldi af útkomu skýrslu rann-
sóknarnefndarinnar var ákveðið að skipa fimm manna nefnd úr hópi kirkju-
þingsfulltrúa til að vinna úr tillögum rannsóknarnefndarinnar.44 Fyrsta verk
hennar var að leita sátta við þær konur sem nefndar voru í skýrslunni og 22.
júlí var undirrituð sátt milli þjóðkirkjunnar og kvennanna og þeim greiddar
sanngirnisbætur.45
I kjölfar útkomu rannsóknarskýrslunnar skrifaði fagráð kirkjunnar
Guðrúnu Ebbu Ólafsdóttur opið bréf. í bréfinu var Guðrún Ebba beðin
afsökunar á því að fagráðið skyldi meta það svo sumarið 2008 að það
41 Rannsóknanefnd Kirkjuþings 2011, 206.
42 Sama heimild, 213.
43 Sama heimild, 221-225.
44 http://kirkjuthing.is/gerdir/2011/100
45 http://kirkjan.is/2011/07/satt-undirritud/
27
L