Orð og tunga - 01.06.1990, Page 18

XVI
Orð og tunga
seint eða aldrei fá þessa fjárfestingu sína til baka með sölu á þeim hugbúnaði
sem um ræðir. Til þess eru upphæðirnar einfaldlega of háar.
En hvers vegna leggur IBM þá í slíka fjárfestingu? Því er fljótsvarað. Við,
sem vel menntuð þjóð með okkar eigin tungu, gerum kröfu um jafnrétti við aðrar
þjóðir þótt þær séu fjölmennari og markaðirnir stærri.
Hvar sem IBM starfar leggur fyrirtækið sig fram um að vera góður og ábyrgur
þjóðfélagsþegn. Þetta lýsir sér m.a. í þeim sköttum sem fyrirtækið greiðir í þeim
löndum þar sem það starfar. Framlag IBM til þýðinga á því efni sem lýtur að
tölvufræðum og tölvunotkun er annað dæmi um þetta.
Það er ánægjulegt til þess að vita að greiðslur fyrirtækisins til Orðabókar
Háskólans hafa gert og munu í framtíðinni gera Orðabókinni kleift að takast á
við fjölbreyttari verkefni en ella. Islensk málrækt mun njóta góðs af því. Eg vil í
þessu sambandi minna á útgáfu Orðabókarinnar á orðsifjabók Asgeirs Blöndals
Magnússonar nú fyrir skemmstu.
Ég vil nota tækifærið og þakka Jóni Friðjónssyni, Jörgen Pind, Helgu Jóns-
dóttur, Jóni Hilmari Jónssyni og mörgum öðrum starfsmönnum Orðabókarinnar
sem lagt hafa hönd á plóginn og gert þetta samstarf jafn árangursríkt og ánægju-
legt og raun ber vitni.
Sá sem heldur utan um alla þræði þýðingastarfsins okkar megin er Orn
Kaldalóns, en auk hans hafa allmargir kerfisfræðingar okkar lagt þessu starfi
lið.
Að lokum þakka ég menntamálaráðherra stuðning hans við þessa ráðstefnu
og fyrirlesurum fyrir þeirra þátt. Það er ánægjulegt að sjá hversu vel ráðstefnan
er sótt og ég leyfi mér að vona að viðstaddir muni bæði hafa gagn og ánægju af.
Að svo mæltu segi ég þessa ráðstefnu setta.