Ráðunautafundur - 20.02.1996, Page 194

186
nokkurn veginn jafnir. Sá munur var tölfræðilega marktækur milli fóðurflokka á fyrri
rúningstíma. Um haustið voru það hins vegar fiskimjölsær, rúnar í mars sem áttu vænstu
lömbin og munaði rúmum þremur kg á þeim og lömbum undan hinum ánum. Uppgjör á
vaxtarhraða tvílembinga fram til 6. júlí sýndi að lömb undan ám sem fengu fiskimjöl í báðum
rúningsflokkum þyngdust hraðar framan af sumri en lömb undan ám í heyflokkunum og
samspilsáhrif voru ekki tölfræðilega marktæk á þeim tíma. Sérstaða fiskimjölsánna sem rúnar
voru fyrr virðist því aðallega hafa komið fram þegar leið á sumarið.
UMRÆÐUR OG ÁLYKTANIR
Niðurstöður tilraunarinnar sýna að rúningstími á snoði hefur veruleg áhrif á tíðni þófasnepla í
haustull af ungum ám en heildaráhrif' rúningstíma á verð og gæði haustullar í tilrauninni voru
tiltölulega lítil vegna annarra galla á ullinni. Meðalflokkun á haustullinni seinna árið var ná-
lægt landsmeðaltali en 45% af allri hvítri haustull í landinu fóru í Úrval og I. flokk haustið
1994, þannig að margir bændur ná mjög góðu mati á haustullina (Guðjón Kristinsson 1995).
Ávinningur framleiðenda af því að seinka snoðrúningi á ungum ám er því verulega háður al-
mennum ullargæðum á búinu og er augljóslega eftir meiru að sækjast ef þófasneplarnir eru
aðalástæðan fyrir fellingu á ull úr I. flokk í II. flokk og enn frekar ef haustullin á möguleika á
að flokkast í Úrvalsflokk. Mat á snoðinu úr tilrauninni liggur ekki fyrir en ef miðað er við að
snoðið hefði flokkast til helminga í I. og II. flokk hefði aukið magn af snoði á seinni rúnings-
tímanum skilað um 24 kr á kind að meðaltali. Þá er gert ráð fyrir að enginn munur sé á mati
milli rúningstíma en snoðið frá seinni rúningstímanum ætti að vera lengra og gæti því flokkast
betur að öðru jöfnu. í tilraunum með haust- og vetrarrúning á fjórum búum á árunum 1986-89
flokkaðist snoð af fullorðnum ám að meðaltali, u.þ.b. til helminga í Úrval og I. flokk eftir
þágildandi reglum, sem svarar nokkurn veginn til I. og II. flokks í núgildandi reglugerð. í
þessum tilraum voru ær á Hesti rúnar um mánaðamótin febrúar-mars en uppúr miðjum mars á
hinum búunum og flokkaðist snoðið heldur betur þar sem rúið var seinna (Sigurgeir Þorgeirs-
son o.fl. 1990). Rétt er þó að taka slíkan samanburð með fyrirvara þar sem ullarmatsreglur og
skipulag matsins breyttust verulega með nýrri reglugerð 1990 og samanburður á ullarmati
milli ára oft háður árferðis og meðferðarmun.
Ullarvöxtur ánna í tilrauninni var í lægri kantinum miðað við niðurstöður fyrri tilrauna
þar sem haustullarmagn af ám á öðrum vetri 1986-87 mældist um 2,5 kg á Hesti og Hvanneyri
en 3,15 kg á Reykhólum. miðað við 2,2 kg í þessari tilraun. Snoðullin var hins vegar heldur
þyngri en í eldri tilraunum frá Hesti (544 g á móti 477 g að meðaltali) en snoðull af Reykhóla-