Ráðunautafundur - 20.02.1996, Síða 226

218
RÁÐUNAUTAFUNDUR 1996
Hert loðnulýsi og fóðurkál fyrir mjólkurkýr
Gunnar Ríkharðsson
og
Einar Gestsson
Rannsóknastofnun landbúnaðarins, Stóra Ármóti
INNGANGUR
í tilraun sem gerð var á Stóra Ármóti vorið 1994 og greint var frá á Ráðunautafundi 1995 (3)
fékkst aukið át og auknar afurðir hjá mjólkurkúm ef þeim var gefið grænfóður að hluta til
samanborið við þurrheysfóðrun eingöngu. Vegna meiri kostnaðar við ræktun grænfóðurs sam-
anborið við hey var þó erfitt að meta hagkvæmni þess að rækta grænfóður til innifóðrunar og
því er nauðsynlegt að skoða betur hver svörun er við grænfóðri í fóðri mjólkurkúa.
í annarri tilraun sem gerð var á Stóra Ármóti vorið 1989 og greint var frá á Ráðunauta-
fundi 1990 (1) fundust mikil neikvæð áhrif af hertu loðnulýsi í kjarnfóðri mjólkurkúa á fitu-
og prótein% mjólkurinnar. í þeirri tilraun var þó um tiltölulega mikla fitufóðrun að ræða þar
sem heyát hjá kúnum var takmarkað en kjarnfóðurgjöf var hlutfallslega mikil, en íblöndun í
kjarnfóðrið í þeirri tilraun var 0, 4 eða 8% hert loðnulýsi. Með vaxandi áherslu á framleiðslu á
mjólkurpróteini og auknu vægi þess í verðlagningu á mjólk til framleiðenda er nauðsynlegt að
skoða þessi áhrif betur við „hefðbundna" fóðrun mjólkurkúa. Einnig er vert að skoða hvort
íblöndun á hertu loðnulýsi í fóðrið breytir verulega gerð (fitusýrusamsetningu) mjólkurfit-
unnar og þar með hugsanlega vinnslueiginleikum hennar.
Markmið þeirrar tilraunar sem hér er greint frá voru:
1) Að kanna hvort ná má meira gróffóðuráti og meiri framleiðslu hjá mjólkurkúm ef
gefið er að hluta til fóðurkál úr rúllum í stað votheys úr turnum með þurrheyi.
2) Að kanna hvaða áhrif 3% íblöndun á hertu loðnulýsi í kjarnfóður mjólkurkúa hefur á
át, nyt, efnainnihald mjólkurinnar (prótein, fita) og á gerð (fitusýrusamsetningu)
mjólkurfitunnar.
EFNI OG AÐFERÐIR
Skipulag tilraunar
Tilraunin var framkvæmd á Stóra Ármóti í mars-maí 1995 en verkefnið var samvinnuverkefni
á milli RALA, Fóðurblöndunnar hf., Mjólkurfélags Reykjavíkur og Lýsis hf. Tilraunin var sett