Ráðunautafundur - 20.02.1996, Síða 290

282
gáfu engan árangur og er grunur um að köfnunarefniskúturinn sem þeir voru í hafi tæmst. Af 7
öðrum frystum fósturvísum hafa að minnsta kosti 3 endað með fangi, en ein kýr veiktist mjög
illa fljótlega eftir innlögn og er ekki vitað hvort það hafði áhrif á að hún hélt ekki. í gegnum
tíðina hafa þó nokkrir kálfar fæðst eftir flutning á ferskum fósturvísum hér á landi. í Laugar-
dælum og St-Armóti liggur það nærri því að vera 2 af hverjum 3 fluttum fósturvísum sem
hefur endað með fangi.
í Hollandi og Irlandi var mér sagt að fanghlutfallið með ferskum fósturvísum væri milli
60 og 70%, fósturvísum frystum í glyceroli 55% og 45% ef notað var ethylen glycol og inn-
lögn án þvottar.
KOSTNAÐUR
Kostnaður við fósturvísaflutning ræðst af vinnu, efniskostnaði í lyfjum og tækjum og ferða-
kostnaði. Eigi aðeins að ná fósturvísum þarf kúahirðirinn að vita hvenær kýrin var að ganga.
Kúna þarf að skoða áður en hormónameðferð hefst. Bóndinn verður svo að sjá um að sprauta
kúna. Sæðingin er framkvæmd á eðlilegum starfsdögum frjótæknis. Aðgerðin með frystingu
tekur 3-4 klst. Vanur maður ætti að geta unnið allt verkið með undirbúningi og frágangi á 4-5
klukkustundum. Að auki kemur ferðatími sem er auðvitað mismikill. Ef við reiknum sérfræð-
ingi á þessu sviði 3.000 kr kaup á tímann er það um 15.000 krónur. Lyfjakostnaðurinn verður
um 12.000 kr og köfnunarefni um 2.000 kr.
Flutningur á ferskum fósturvísum vinnst öðru vísi. I stað vinnu við frystingu kemur
vinna við innlögnina. Fóstrumar þarf að samstilla og þess vegna verður að skoða þær tvisvar.
Þá er freistandi að skoða kúna sem á að skola um leið og fóstrurnar. Þannig verður aðeins
einni ferð meira á búið. Annar kostnaður og tími yrði svipaður og frystikostnaðurinn ef ekki er
flutt í meira en 5 kýr. Hver kýr fram yfir það getur kostað 500 kr í lyfjum og svipað í vinnu.
Reikna verður með að innlögn á einum frystum fósturvísi taki ekki minna en hálfa
klukkustund. Það tekur hlutfallslega lítinn tíma í viðbót að vinna við fleiri kýr í einu en þá
getur samstillingarkostnaður bæst við.
Við allan nefndan kostnað bætist ferðakostnaður.
SMITHÆTTA
Smithætta við innflutning á fósturvísum er lítil af sjálfum fósturvísunum, en mörg lönd gera
kröfu um trypsin þvott á innfluttum fósturvísunum. Áhættan fyrir okkur er að eitthvað berist
með serminu sem notað er í geymsluvökvann fyrir fósturvísana. Það er mikilvægt að sermið sé