Ráðunautafundur - 20.02.1996, Qupperneq 292

284
RÁÐUNAUTAFUNDUR 1996
Innflutningur á nýjum mjólkurkúakynjum - ræktunarsjónarmið
Jón Viðar Jónmundsson
Bœndasamtökum Islands
INNGANGUR
Nú þegar niðurstöður samanburðartilraunarinnar með íslensku kýrnar og NRF kýr í Færeyjum
liggur fyrir hefur skapast allt annar grunnur en áður til þess á raunhæfan hátt að geta metið
mögulegan ávinning að því að flytja inn nýtt mjólkurkúakyn hingað til lands.
í umsögn sem Nautgriparæktarnefnd skilaði til Landbúnaðarráðuneytisins árið 1991 í
tengslum við umsögn um innflutning nýrra holdanautakynja var einnig fjallað um hugsanlegan
innflutning á kyni til blöndunar við mjólkurkúakynið. Þar var m.a. nefnd sú vel þekkta við-
miðun að til þess að slíkur innflutningur væri áhugaverður þyrfti að vera nokkur vissa fyrir því
að yfirburðir hins nýja kyns væru að lágmarki 20-25% umfram íslensku kýrnar til að innflutn-
ingur væri áhugaverður. Á grundvelli þeirra niðurstaðna sem nú liggja fyrir úr tilrauninni í
Færeyjum höfum við fulla ástæðu til að ætla að þeir yfirburðir sem við getum sótt gagnvart
afkastagetu kúnna séu þessir. Þar til viðbótar kemur mat á ýmsum öðrum eiginleikum sem er í
mjög mörgum tilvikum hinum erlendu kynjum tvímælalaust í hag.
í þeirri umfjöllun sem hér fer á eftir verður vikið að nokkrum þáttum sem ástæða er til
að skoða nánar í sambandi við hugsanlegan innflutning. I fyrsta lagi er spurning um val á kyni
til innflutnings. Spurning um hugsanlegt samspil erfða- og umhverfisáhrifa er sígild í tengsl-
um við þessi mál og þess vegna verður aðeins vikið að erlendri reynslu í þeim efnum. Vernd-
unarsjónarmið gagnvart íslenska kúakyninu eru aðeins reifuð. Þá verður velt fyrir sér hvernig
líklegast væri að standa að innflutningi og nýtingu á innfluttu erfðaefni.
í þessari umræðu er valin sú leið að fella þann þátt að þeirri löggjöf sem við búum við í
dag í sambandi við innflutning búfjár og þá möguleika sem lögin veita. í þeim efnum skal
aðeins bent á að ef löggjöfin mundi breytast á þann veg að möguleikar sköpuðust á að flytja
inn beint sæði úr nautum frá öðrum löndum þá mundu ýmis viðhorf í þessum efnum breytast
mikið. Þar sem þetta er ekki í myndinni í dag þykir ekki ástæða til að ræða það frekar. Ljóst er
samt að frekari umræða um innflutning mun fljótt leiða af sér umræðu um möguleika þess að
breyta núverandi löggjöf um innílutning búfjár.