Ráðunautafundur - 20.02.1996, Side 293

285
Mér virðist að gagnvart innflutningi á nýju kyni sé öðru fremur eitt atriði sem við höfum
ekki nein svör við í dag sem gæti haft áhrif á alla framkvæmd. Hér á ég við þann möguleika
að blöndun íslensku kúnna við annað kyn mundi leiða af sér það mikla burðarerfðileika að
þeir yrðu umtalsvert vandamál. Við þekkjum að þessi umræða hefur komið upp í sambandi
við núverandi innflutning á Limousín gripum. Höfum hugfast að þau sjónarmð sem þarna
birtast fá sífellt aukið vægi í allri umræðu um búfjárframleiðslu erlendis og því verður að taka
fullt tillit til þeirra. Mitt mat er að vísu að hér sé með öllu um ástæðulausan ótta að ræða. Úr
því sker hins vegar aðeins reynslan. Á það má hins vegar benda að svör við þessu verðum við
komin með áður en til nota á nýju kyni kemur. Þar mun notkun nýju holdanautakynjanna veita
þau svör sem nú skortir. Gangi sú notkun án vandkvæða er engin ástæða til að óttast vandamál
í sambandi við blöndun við nýtt mjólkurkúakyn. Komi þar hins vegar vandamál í þessum
efnum við notkun holdanautakynjanna gefur það fyllsta tilefni til að endurskoða viðhorf gagn-
vart blöndun við annað kyn.
HVAÐA KYN KOMA TIL GREINA?
Fyrsta spurningin sem eðlilegt er að velta fyrir sér er hvaða kyn eigi að velja til innflutnings,
ef til hans kemur.
í þessum efnum er rétt að benda á að athygli okkar hlýtur að beinast verulega að stöðu
þeirra kynja sem við getum fengið frá nálægum löndum. Atriði sem ekki verður horft fram hjá
og vegur mjög þungt í því sambandi er að viðurkennt er að heilbrigðisástand er þar betra en í
flestum öðrum löndum og því meiri líkur til að innflutningur þaðan verði leyfður en frá öðrum
stöðum.
í umræðu urn hugsanleg kyn til innflutnings vil ég einfalda þá umræðu með að skipta
hugsanlegum kynjum í þrjá meginhópa.
- Smávaxin mjólkurkúakyn af líkri stærð og íslensku kýrnar.
- Svört eða svartskjöldótt kúakyn.
- Rauð eða rauðskjöldótt kúakyn.
Af kúakynjum í íslenska stærðarflokknum er um að ræða lersey kýr og ýmis gömul
landkyn í nálægum löndum. Seinni hópinn er fljótlegt að afgreiða. Þessi kyn hafa í flestum
löndum verið á hröðu undanhaldi. í þessum erfðahópum hefur yfirleitt ekki verið um að ræða
neitt virkt ræktunarstarf og nánast hægt að fullyrða að í þessi kyn er ekkert að sækja þó að
þetta séu sumt þau kyn sem skyldust eru íslensku kúnum og líkust.
Jersey kýrnar eru hins vegar enn í dag óumdeilanlega þær kýr sem geta framleitt meiri
orku í mjólk á hvert kg í líkamsþunga en nokkurt annað nautgripakyn. Sérstaða þessa kyns er