Ráðunautafundur - 20.02.1996, Side 301

293
kostnaður vegna nauta sem koma til sæðistöku mundi á þessu tímabili margfaldast frá því sem
hann er nú.
Hér er gert ráð fyrir því að þau naut sem flutt verða inn verði afkvæmaprófuð á sama
hátt og gert er í stofninum í dag. Það er full ástæða til að gera sér grein fyrir því að þessir
gripir verða að eðliseiginleikum ekki síður breytilegir en þau naut sem hér eru tekin til
notkunar á hverju ári. Þess vegna hlýtur að verða að gera þá kröfu að þau sem koma til mikilla
nota verði valin á hliðstæðan hátt og aðrir gripir, að öðrum kosti er hætt við að verulegur hluti
ávinnings af innflutningi mundi fljótt tapast.
Gert er ráð fyrir að inn yrðu fluttir ókyngreindir fósturvísar. Því mun fæðast álitlegur
hópur af kvígum af hinu nýja kyni í einangrunarstöðinni. Eðlilegt er að reyna að nýta þennan
hóp sem allra best.
Vafalítið yrði það gert með því að nota þessar kvígur sem „útungunarvélar" í
einangrunnarstöðinni. Þær yrðu teknar í meðferð til öflunar á fósturvísum strax og þær hefðu
aldur til. Þeir fósturvísar verða framleiddir með notkun á sæði úr innfluttu nautunum. Þeim
fósturvísun yrði komið í land jafnótt og þeir yrðu til og komið þar fyrir í kúm. Á þann hátt
skapaðist fljótt möguleiki á að mynda lítinn hóp af hreinræktuðum gripum af nýja kyninu í
landi. Á þennan hátt mundi einnig vera mögulegt að fá einhvern hluta af „innfluttu“ nautunum
í síðari árgöngum úr þeim hópi gripa sem til yrðu á þennan hátt og virðist áhugavert að skoða
frekar hvort það sé hagkvæm leið. Þessi hugmynd gengur út frá því að innfluttu kýrnar í
einangrunarstöðinni yrðu aldrei látnar bera kálfi sjálfar.
Áhrifa innflutnings færi fyrst að gæta umtalsvert og verða yfirgnæfandi eftir að fyrstu
naut úr innflutningi kæmu til notkunar að afloknum afkvæmadómi sem er fyrst um áratug eftir
að innflutningur mundi hefjast. Gera má að vísu ráð fyrir að einu til tveim árum áður færi
eitthvað að gæta sem nautsmæðra „hérlendra" nauta fyrstu kúnna undan innfluttu nautunum
og einhverra af hreinkynja kúnum af nýja kyninu sem til verða eftir „útungun" frá
einangrunarstöðinni.
Út frá slíkum hugmyndum er hægt að gera sér einhverja grein fyrir á hvern hátt áhrif
nýja kynsins breiðast út. Það er sýnt á 1. mynd. Þar kemur glöggt fram að blóðhluti nýja kyns-
ins kemur að sjálf.sögðu fyrr í nautunum en kúnum eins og rakið hefur verið.
Einnig hefur verið reynt að gera sér grein fyrir hvernig slík áhrif mundu koma fram í
afurðaþróun í mjólkurframleiðslunni. Þá er gengið út frá því að yfirburðir hins innflutta kyns
séu 20-25% yfir íslenska kynið og að við notkun þess komi fram smávægilegur blendings-
þróttur sem mest mundi gæta í fyrstu kynslóð. Niðurstöður af því mati eru sýndar á 2. mynd.