Ritið : tímarit Hugvísindastofnunar - 01.01.2016, Side 49

48
breytinga ganga til baka“ nefnir hann hins vegar aðeins tæknilausnir til
þess að sporna gegn loftslagsbreytingum (sjá mynd 3).37
Þjóðernishyggja og trú á tækni og vísindi eru tveir helstu frásagn-
arþræðir lausnarfrásagnarinnar innan orðræðu stjórnmála en þeir skapa
misvísandi mynd af sjálfum loftslagsbreytingunum. Bæði er framsetning
afleiðinganna og lausnanna á þann hátt að umfang hvors tveggja er van-
ákvarðað, afleiðingarnar eru í raun mun víðtækari og viðbrögðin verða að
vera mun viðameiri ef lágmarka á stórfelldan skaða. Þrátt fyrir að aðgerðir
ríkis til þess að minnka losun gróðurhúsalofttegunda með tæknilausnum
væru skref í rétta átt er ljóst að með því móti verður ekki dregið nógu
mikið úr losun, eða nógu hratt, til þess að unnt sé að ná þeim markmiðum
sem þjóðir heims hafa sett sér.38 Að framsetja slíkar aðgerðir sem lausnir
37 „There is no single step that can reverse the effects of climate change“. The White
House, „Addressing the threat of Climate Change“.
38 Í grein Kevin Andersons og Alice Bows, „Beyond ‘dangerous’ climate change:
emission scenarios for a new world“, Philosophical Transactions A of the Royal Society
369, 2011, bls. 20–44, er dregin upp sú dökka mynd að vel sé mögulegt að aðgerðir
allra þjóða til að draga úr losun, eins og þær birtast í samhengi við alþjóðlega samn-
inga, verði nokkuð langt frá því að koma í veg fyrir þá hækkun meðalhitastigs sem
stefnt er að. Anderson lagði á það áherslu í fyrirlestri sínum á loftslagsráðstefnu
Earth101 í Háskóla Íslands mánaðamótin febrúar–mars 2015 að þar sem útblástur
MaGnúS ÖRn SiGuRðSSon
Mynd 3. Fjórir rammar úr „Augum beint að ógninni sem stafar af loftslagsbreytingum“.